(நபியே!) உம் இறைவனின் பாதையில் (மக்களை) விவேகத்துடனும்,அழகிய உபதேசத்தைக் கொண்டும் நீர் அழைப்பீராக! இன்னும்,அவர்களிடத்தில் மிக அழகான முறையில் தர்க்கிப்பீராக! மெய்யாக உம் இறைவன், அவன் வழியைவிட்டுத் தவறியவர்களையும்,நேர்வழி பெற்றவர்களையும் நன்கு அறிவான்(உலகப்பொதுமறை 16:125)

Monday, September 1, 2014

இரு தரப்பு பேச்சுவார்த்தை எதிர்பார்த்தப்படி சுமூகமாக முடிந்தது.

ஒரு பிரச்சனை எப்படி முறைப்படி கையாளபட வேண்டுமோ அப்படி கையாளபட்டிருகிறது.. அல்ஹம்துலில்லாஹ்.

கடந்த விநாயகர் சதுர்த்தி அன்று நாகூர் மியா தெருவில் திடீர் என ஊர்வலமாக சிலர் வந்து பதட்டத்தை ஏற்படுத்தியது நாம் அறிந்ததே.

இதற்க்கு அந்த மீனவ கிராம பஞ்சாயத்து தலைவர்கள் ஏற்கனவே வருத்தம் தெரிவித்து இருந்தார்கள்.

இந்நிலையில் இந்த பிரச்சனைக்கு முற்றுபுள்ளி வைக்க வேண்டும் இல்லையென்றால் இது மேலும் பிரச்சனையை உருவாகும் என்று அனைவரும் விரும்பினார்கள்.

அதன்படி இன்று பட்டினச்சேரியில் இருதரப்பிற்கும் சுமூக பேச்சுவார்த்தை நடந்தது...

இந்த சுமூக பேச்சு வார்த்தையை முன்னெடுத்து சென்ற அதில் ஈடுபட்ட நம் சகோதரர்கள் அனைவருக்கும் அல்லாஹ் அருள்புரியட்டும்...

இதுபோன்ற பிரச்சனைகளுக்கு இதுவே சரியான வழிமுறை.

இந்த சுமூக பேச்சு வார்த்தைமூலமாக இருதரப்பிற்கும் ஓர் நல்ல புரிதல் ஏற்பட்டுள்ளது ... இது ஓர் ஆரோகியமான நிலைப்பாடு.

வருங்காலத்தில் எந்த ஒரு விஷயத்திற்கும் இது பயனுள்ளதாக இருக்கும் என்று நம்பலாம். இன்ஷால்லாஹ்.




 ஜசாகல்லாஹ் புகைப்படம் :  mohamed hafil
https://www.facebook.com/mohamed.hafil.75?fref=photo



Sunday, August 31, 2014

நாகூரில் கலவரத்தை ஏற்படுத்த திட்டம்..!!

இந்து சமுதாயத்தை சேர்ந்த மக்கள்  பல வகையான கடவுள் நம்பிக்கை கொண்டவர்கள்.. அதற்க்கு ஏற்றாற்போல் பல விதமான பண்டிகைகளை அவர்கள் கொண்டாடுகிறார்கள் என்பது நாம் அனைவரும் அறிந்ததே.

ஆனால் இந்த விநாயகர் சதுர்த்தி பண்டிகையும் அதை தொடர்ந்து நடத்தப்படும் ஊர்வலமும் நாடுமுழுவதும் இதுவரை பதட்டத்தை ஏற்படுத்தி வருவது தான் வரலாறு..

கலவரத்தை ஏற்படுத்த தான் இவர்கள் இந்த பண்டிகையை கொண்டாடுகிறார்களோ என்று என்னும் அளவிற்கு நடக்கும் சம்பவங்கள் இருக்கிறது.

இந்நிலையில் நேற்று முன்தினம் நாடுமுழுவதும் விநாயகர் சதுர்த்தி கொண்டாடபட்டது.. வருட வருடம்  நாகபட்டினத்திலிருந்து  நாகூர் வெட்டாற்று பாலத்திற்கு ஊர்வலமாக எடுத்துவரப்பட்டு விநாயகர் சிலை கரைக்கபடுவது வழக்கம் அதே  போல் நாகூர் மீனவ கிராமத்திலிருந்து  கல்பண்டாக சாலை வழியாக வெட்டாற்று பாலத்திற்கு எடுத்து செல்வார்கள்.


ஆனால் இந்த வருடம் வேண்டும் என்றே மியா தெரு வழியாக விநாயகர் ஊர்வலத்தை எடுத்து செல்ல திட்டமிட்டு அதன் படி நேற்று மக்ரிப் நேரத்தில் தெருவை கடக்க முற்றபட்டபோது .., அங்கே இருந்த நம் சகோதரர்கள்,
 நீங்கள் எப்போதும் இந்த வழியாக செல்லமாட்டீர்களே ? ஏன் இப்படி வருகிறீர்கள்  உங்களுக்கு அனுமதி கொடுத்தது யார் ? எப்போதும் செல்வது போல் செல்ல வேண்டியது தானே என்று தடுக்க...

நீங்க போலீஸ்ட கேளுங்கள் .. இது மோடி ஆட்சி அப்டியாக்கும் , இப்படியாக்கும் என்று சீன் போட... பிரச்சனை ஆரம்பமாகியது...

இருப்பினும் கலவரத்தை விரும்பாத அனைவரும் சேர்ந்து சமரசமாக பேசி களைந்து சென்றுள்ளனர்.

இவ்வளவு வருடமாக இல்லாமல் இப்போது திடீர் என பிரச்சனையை ஏற்படுத்தும் எண்ணத்துடன் இவர்கள் மியா தெரு வழியாக வருகிறார்கள் இதை உடனே தடுத்து நிறுத்தாவிட்டால் ..

இதுவே ஒவ்வொரு வருடமும் வழக்கமாகி முத்துபேட்டையை எப்படி வருடம் வருடம் பதட்டபடுத்துகிறார்களோ அதுபோல் நாகூரையும்  ஆக்கிவிடுவார்கள் என நினைத்து காவலதுறைக்கு  முறைப்படி புகார் செய்வதற்கு நடவடிக்கை எடுக்கும் வேளையில்...

எதை எதிர்பார்த்தார்களோ அது நடக்கவில்லை என்றவுடன் சிலர் வேண்டுமென்றே மியாதெருவில் வந்து மீண்டும் பிரச்சனை செய்ய அது கைகலப்பாக மாறிபோனது.. பிறகு காவல்துறை தலையிட்டு அமைதியான தற்போது சூழல் நிகழ்கிறது...

தமிழகத்தை பொறுத்தவரை பல ஊர்களில் இஸ்லாமியர்களும் , இந்துக்களும் ஒன்றாகவே வாழ்கிறார்கள். அண்ணன் தம்பிகளாக பழகுகிறார்கள் , நம்பிக்கை வேறு வேறாக இருந்தாலும் நாம் சமூகவாழ்வில் ஒன்றிணைந்தே வாழ்கிறோம்.

முத்துபேட்டையில் வருட வருட ஏற்படுத்தும் இது போன்ற மோதல்களை நாகூரிலும் கட்டவிழ்த்து விட நினைகிறார்கள்.  ஒரு போதும் பொது அமைதிக்கு குந்தகம் விளைவிக்கும் செயல்களை நாம் அனுமதிக்ககூடாது.

நம் ஊர் சகோதரர்கள் இதில் உணர்ச்சிவசபடாமல், சிந்தனை ரீதியாக செயல்பட்டு  இது போன்று கலவரத்தை ஏற்படுத்தும் திட்டத்தை முறியடிக்க வேண்டும் இன்ஷால்லாஹ்.


Tuesday, August 19, 2014

இஸ்ரேல் தயாரிப்புகள் புறக்கணிப்பு - ஒர் புரிதல்.

அஸ்ஸலாமு அழைக்கும் சகோதரர்களே..,

பாலஸ்தீன மக்களின் மீதான யூதர்களின் தாக்குதலில் பச்சிளம் குழந்தைகள் , பெண்கள் என ஆயிரக்கணக்கான மக்கள் பலியாகி வரும் கவலைக்குரிய இவ்வேளையில்... இதன் எதிர்வினையாக..

முன்எப்போதும் இல்லாத அளவிற்கு தற்போது இஸ்ரேல் தயாரிப்பு பொருள்களை முற்றிலும் புறக்கணிக்க வேண்டும் என்ற சிந்தனை முஸ்லிம்களிடம் அதிகம் ஏற்பட்டுள்ளது , மேலும் இஸ்ரேல் தயாரிப்புகளை புறக்கணிக்க வேண்டும் என்று  மாற்றுமத சகோதரர்கள் கூட பகிரங்கமாக தங்கள் எதிர்ப்பை பதிவு செய்து பாலஸ்தீன மக்களுக்கு தங்கள் ஆதரவுகளை கொடுத்து வருகிறார்கள்.

இவ்வாறு புறக்கணிப்பு என்பதும் ஒருவகையில் போராட்டம் தான் எனலாம், ஒரு அநீதி நமக்கு முன்னால் நடக்கிறது அதை தடுத்து நிறுத்த வேண்டியவர்கள் வேடிக்கை பார்கிறார்கள் , இன்னும் சிலர் அந்த அநீதிக்கு துணைபோகிறார்கள் ஆனால் நியாத்தின் பக்கம் நிற்கும் மக்களாகிய நாம் தங்களின் உணர்வுகளை வெளிபடுத்த வீதிக்கு வந்து போராடுகிறோம் , கண்டனங்களை பதிவு செய்கிறோம். இருப்பினும்  நாம் எதாவது செய்யவேண்டும் நம்மால் அவர்களுக்கு எதாவது நெருக்கடி கொடுக்க வேண்டும் என்று நினைக்கும்போது ...

நாம் கையில் எடுக்கும் ஆயுதம் இஸ்ரேல் தயாரிப்புகளை புறக்கணிக்க வேண்டும் என்ற மனபாவம்... இதை தவறு என்று சிலர் வாதிடுகிறார்கள்.
ஆனால் இது உணர்வுபூர்வானது, இந்த புறக்கணிப்பால் உடனே இஸ்ரேலின் இனப்படுகொலை நின்றுவிட போவதில்லை என்பது உண்மை தான் எனினும் நம்முடைய எதிர்ப்பை தெரிவிக்க, உணர்வுகளை பிரதிபலிக்க இதுவும் ஓர் ஆயுதம் தான்.

எனினும் நாம் முற்றாக இஸ்ரேல் மற்றும் இஸ்ரேலுக்கு அணைத்து உதவிகளையும் செய்யும் அமெரிக்க தயாரிப்பை புறகணிக்க முடியுமா ? என்றால் .. எதார்த்த சாத்தியம் மிக குறைவு தான்.

உணவு பொருள்கள் முதல் நாம் அன்றாடம் பயன்படுத்தும் சோப்பு , ஷாம்பூ வரை அவர்களின் ஆதிக்கம் வேரூன்றி இருக்கிறது.
இதை ஏதோ உணர்ச்சி வசப்பட்டு ஓரிரு மாதங்களில் ஒன்றிணைந்து மாற்றியமைக்கலாம் என்பது எதார்த்தத்தில் முடியாத காரியம்.
இதை ஒவ்வொருவரும் வாழ்கையில் கொள்கையாக வகுத்து செயல்பட்டால் இன்ஷால்லாஹ் ஒருவேளை அது தாக்கத்தை , பாதிப்பை ஏற்படுத்தும்.

FACEBOOK – WHATSAPP பயன்பாடு :   
( ஏன் whatsapp பயன்படுத்துகிறீர்கள் telegram பயன்படுத்துங்கள் என்ற விளம்பரம் வேறு செய்கிறார்கள். அவர்களின் எண்ணங்களை குறைகூறவில்லை )
நாம் விரும்பியோ , விரும்பாமலோ ... தகவல் தொழில்நுட்பத்தில் முழுமையாக யூதனின் ஆளுமையின் கீழ் தான் இருக்கிறோம்... யூதனின் முகநூலை பயன்படுத்திகிறார்கள். அதே முகநூலில் யூதனின் தகவல் தொழில்நுட்பத்தை பயன்படுத்தாதீர்கள் என்கிறார்கள் . யூதனின் தயாரிப்புகளை பயன்படுத்தாதீர்கள் என்று சொல்வதற்கு கூட ஒரு யூதனின் தயாரிப்பு நமக்கு தேவைபடுகிறது ????

இப்படி விவாதிப்பது , வலியுறுத்துவது எந்த விதத்தில் சரி என்பதை பார்க்க வேண்டும். இன்னும் ஆழமாக நாம் சிந்தித்தால் google,youtube இவைகள் எல்லாம் யாருடையது என்று கேட்டால் என்ன சொல்வீர்கள் ... அமெரிக்காவுடையது என்பீர்கள் .. அப்படியானால் அமெரிக்கா தான் இஸ்ரேலுக்கு எல்லா விதமான உதவிகளையும் செய்து வருகிறது ... இப்ப நாம் இதை எப்படி பார்ப்பது..எல்லவற்றையும் புறக்கணித்து விடலாமா ?
எது சற்று சிந்திக்க வேண்டும்.

தற்போது முகநூல் தவிர்க்க முடியாத ஒர் ஊடகமாக இருக்கிறது. இது பல வகையில் கேடிற்கு வழிவகுத்தாலும் , இதனால் பெரிய நன்மைகளையும் நாம் அடைந்து வருகிறோம் .. எப்படி அணுகுகிறோம் என்பதை பொருத்து இது வேறுபடுகிறது.
பொது அறிவை வளர்த்துகொள்ளவும் முகநூலை அணுகலாம்.           அறிவை அடகு வைக்கவும் முகநூலை அணுகலாம்.

பாலஸ்தீன தாக்குதலின் உக்கிரத்தை முகநூல் அனைவருக்கும் கொண்டு சேர்ப்பதில் மிக துரிதமாக செயலப்ட்டதை யாரும் மறுக்கமுடியாது.
அதை விடுங்கள் KFC, MC DONALD என்ன நாம் பயன்படுத்தும் பேஸ்ட் முதற்கொண்டு யூதன் , அமெரிக்க தயாரிப்புகளை தான் நாம் பல நேரங்களில் பயன்படுத்தி வருகிறோம் .. ஊர்களில் முஸ்லிம்கள் தான் விற்கிறார்கள் அவர்கள் விற்பதை விட விரும்பவில்லை , வாங்குபவர்கள் பழக்கத்தை விட முடியவில்லை ... இதில் விதி விலக்கானவர்கள் உண்டு .. ஆனால் அவர்களால் தாக்கத்தை ஏற்படுத்த முடியாது .. நம்முடைய மனசுக்கு ஒரு திருப்திக்கு வேண்டுமானால் செய்து கொள்ளலாம்.
இதை விளங்கிகொள்ள ஒன்று செய்யலாம்.

புறக்கணிக்க வேண்டிய அணைத்து பொருள்களின் பெயர்களையும் பட்டியலிடுங்கள் : அதில் நீங்கள் பயன்படுத்தி வரும் பொருட்கள் இருக்கிறதா என்று பாருங்கள்.

கண்டிப்பாக குறைந்தது 50%  முதல் 75% வரை யிலான பொருள்கள் நீங்கள் பயன்படுத்தி வருவது தெரியும். அனைத்திற்கும் மாற்று பொருள்கள் யோசித்துபாருங்கள்...

அதன் எதார்த்தசூழ்நிலை உங்களுக்கு புரியும்.
இதை விளக்குவதின் நோக்கம் இஸ்ரேல் தயாரிப்புக்களை புறக்கணிக்ககூடாது என்பது அல்ல.

முற்றிலுமாக புறக்கணிக்க முடியாது என்பதும் , அதை ஏதோ கோபத்தில் ,ஆத்திரத்தில் எடுக்கும் முடிவாக இல்லாமல். நிரந்தமாக அதை வாழ்கையில் செயல்படுத்த முடியுமா என்பதை நாம் யோசிக்க வேண்டும்.



Saturday, August 9, 2014

நான் இஸ்லாத்தை தழுவ வேண்டும் .. ஆனால்...?

சில சகோதர/சகோதரிகளை நீங்கள் கண்டிருக்கலாம். அவர்கள் இஸ்லாத்தை நன்கு ஆராய்ந்திருப்பர்,  இஸ்லாத்தை தழுவ வேண்டுமென்ற முடிவிற்கும் வந்திருப்பர். ஆனால்……
முன்னே பார்த்த பத்தியை நீங்கள் பல காரணங்களை போட்டு பூர்த்தி செய்யலாம். அவற்றில் குடும்ப நிலவரங்கள், இஸ்லாத்தை ஏற்றால் பல கட்டுபாடுகளை பின்பற்ற வேண்டுமோ? என்பது போன்ற காரணங்கள் முக்கியமானவை.
இந்த பதிவு உளவியல் ரீதியாக இப்பெரும் போராட்டத்தை மேற்கொண்டிருக்கும் அந்த சகோதர/சகோதரிகளுக்காக. இந்த பதிவில் நாம் பார்க்கப்போகும் நபரும் இது மாதிரியான போராட்டத்தை சந்தித்தவர் தான். தன் மனைவி இஸ்லாத்தை ஏற்கும் வரை தானும் ஏற்கபோவதில்லை என்று நிபந்தனை போட்டவர்.
அவர் சகோதரர் ஜெறோம் பௌல்டர் (Jerome Boulter) அவர்கள். பிரிட்டன் நாட்டவரான இவர் இன்று மதினாவின் தைபாஹ் பல்கலைகழகத்தில் விரிவுரையாளராக பணிபுரிகின்றார். (இவரை தொடர்பு கொள்ள பதிவின் இறுதியில் கொடுக்கப்பட்டுள்ள முகவரியை காணவும்).

பணி நிமித்தமாக சௌதி அரேபியாவிற்கு வந்த அவருக்கு குரான் அறிமுகமாக, சில நாட்களில் குரான் இறைவேதமென்ற முடிவுக்கு வந்து இஸ்லாத்தை தழுவலாம் என்ற முடிவுக்கும் வந்தார். ஆனால்……………………….
“எனக்கு தெளிவாகி விட்டது. குர்ஆனில் சொல்லப்பட்டிருக்கும் இறைவனின் தன்மைகளைத்தான் என்னால் தொடர்புபடுத்தி பார்க்க முடிகின்றது.
இப்போது என் குடும்பத்தை நினைத்து பார்த்தேன். என் மனதுக்குள் இருக்கும் மூன்று பிரச்சனைகள் விலகி விட்டால் இஸ்லாத்தை தழுவுவதென முடிவெடுத்தேன். அவை,
என் மனைவியும் இஸ்லாத்தை தழுவ வேண்டும்.
அவர் தன்னுடைய வேலையை விட்டு விலகிவிட்டு என்னுடன் சௌதி அரேபியா வந்து வாழ வேண்டும்.
எனக்கும் அவருக்கும் இருக்கும் ஒரு தனிப்பட்ட பிரச்சனை தீர வேண்டும்.

என்னுடைய இந்த நிபந்தனைகள் நிறைவேறும் வரை இஸ்லாத்தை தழுவுவதை தள்ளி போடுவதென முடிவெடுத்தேன்.
இது தொடர்பாக என் மனைவியுடன் பேச ஆரம்பித்தேன். இமெயில் இமெயிலாக அனுப்பினேன். msnனில் நீண்ட நேரம் இது குறித்து பேசியிருக்கின்றோம். இன்டர்நெட்டில் கிடைக்கக்கூடிய இஸ்லாம் குறித்த தகவல்களை ஆவலுடன் பகிர்ந்து கொள்வேன். அதிலும் குறிப்பாக, இஸ்லாம் புதிய மார்க்கமில்லை என்பதையும், கிருத்துவத்தின் தவறுகளை களைய வந்த மார்க்கமென்பதையும் சுட்டி காட்டுவேன்.
என்னுடைய இந்த ஆர்வம் என் மனைவியை திகிலடைய செய்தது. ஒருமுறை கேட்டே விட்டார்,
“எனக்கென்னவோ நீங்கள் இஸ்லாத்தை தழுவி விட்டதாக தோன்றுகின்றது”
இதனை கேட்டவுடன் பேசுவதை சற்று நேரம் நிறுத்திவிட்டேன்.
ஆம்… நான் அப்போது தான் உணர்ந்தேன், என் வாயால் தான் நான் இஸ்லாத்தை ஏற்கவில்லை, மனதாலோ அந்த அடியை எடுத்து வைத்து விட்டேனென்று. என் மனைவிக்கு நான் சொன்ன பதிலும் இதையே பிரதிபலித்தது.
“ஆம், நான் ஏற்றுக்கொண்டேன்”
அவ்வளவுதான்…அந்த சமயத்திலிருந்து என் மனைவி என்னை கடுமையாக விமர்சிக்க ஆரம்பித்தார். இவ்வளவு பெரிய முடிவை நான் எடுக்கும் முன் அவரிடம் ஏன் ஆலோசிக்கவில்லை என்று கோபப்பட்டார். நான் அவரை சமாதானப்படுத்த எவ்வளவோ முயற்சி செய்தேன்.
மனதால் தான் இஸ்லாத்தை ஏற்றுக்கொண்டிருக்கின்றேன், அதிகாரப்பூர்வமாக இன்னும் இல்லை என்பது தான் என்னுடைய விளக்கமாக இருந்தது. ஆனால் என்னுடைய இந்த அணுகுமுறை அவருக்கு மேலும் குழப்பத்தையே தந்தது. அவரை இஸ்லாத்தை ஏற்க வைக்க வேண்டுமென்ற என்னுடைய முயற்சியும் இதனால் தள்ளிப்போனது.
நாட்கள் சென்றன….
இந்த நேரத்தில் முஸ்லிம்களுடன் தொழக்கூடிய வாய்ப்பு அமைந்தது. அது ஒரு வார இறுதி நாள். ஷாப்பிங் முடித்து விட்டு திரும்பி கொண்டிருந்தேன். அப்போது பக்கத்தில் இருந்த மசூதியில் இருந்து தொழுவதற்கான அழைப்பு விடப்பட்டது. அவ்வளவு தான், கடைகள் அடைக்கப்பட்டன. தெருவோர கடைகளின் பொருட்கள் துணிகளால் மூடப்பட்டன. வீடுகளில் இருந்தும், கடைகளில் இருந்தும் மக்கள் மசூதியை நோக்கி செல்ல ஆரம்பித்தனர். அது என்னை மிகவும் கவர்ந்தது.
முஸ்லிம்களின் தொழுகை எப்படிப்பட்டது என்று அறிந்து கொள்வதென முடிவெடுத்து விட்டேன்.
பள்ளிவாசலுக்கு சென்றவர்களை பின்தொடர்ந்தேன். நான் போவதற்குள் தொழுகையில் இரண்டு வரிசைகள் பூர்த்தியாகி விட்டன. வரிசையில் மக்கள் தோளோடு தோளாக நெருங்கி நின்றார்கள். அவர்களுடன் நானும் என்னை ஐக்கியப்படுத்தி கொண்டேன். அந்த வரிசையில் என்னோடு பல சிறுவர்களும் சேர்ந்து கொண்டார்கள்.
எனக்கு அருகில் இருந்தவர்கள் என்னென்ன செய்கின்றார்கள் என்று ஓரக்கண்ணால் கவனித்தபடியே இருந்தேன். அவர்கள் எப்படி குனிந்து நிமிர்ந்தார்களோ அப்படியே நானும் செய்தேன். அவர்களை அப்படியே பின்பற்றினேன்.
எனக்கு நன்றாக தெரியும், இவர்கள் என்னை விட அதிகமாக மனதை ஒருநிலைபடுத்துகின்றார்கள் என்று. அவர்கள் தொழுகையில் தங்களுக்குள் என்ன சொல்லிக்கொள்கின்றார்கள் என்று எனக்கு தெரியாது. ஆனால், எனக்கு மனதில் அப்போது என்ன வார்த்தைகள் தோன்றினவோ அதனைக்கொண்டு இறைவனை தொழுதேன்.
“இறைவா, என் விருப்பம் நிறைவேற உதவி செய். என்னுடைய மனைவிக்கு நேர்வழி காட்டு. உன்னிடத்தில் மட்டுமே நான் உதவி கோருகின்றேன். உன்னால் படைக்கப்பட்டு இன்று கடவுள்களாக இருக்கின்றனரே, அந்த மனிதர்களிடத்தில் அல்ல”
இதனை நான் ஒரு மந்திரம் போல சொல்லிக்கொண்டிருந்தேன். என்னுடன் தொழுது கொண்டிருந்தார்களே அவர்கள் அளவுக்கு நான் இறைவனிடத்தில் தொடர்பு கொண்டிருந்தேனா என்று தெரியாது. ஆனால் தொழுகை முடிந்தவுடன் ஒருவிதமான மன அமைதியை உணர்ந்தேன்.
என்னுடைய காலணிகளை அணிய சென்றேன். ஷூவையும், சாக்சையும் எடுத்த போது இரு சிறுவர்கள் என் முன்னால் வந்து நின்றார்கள். அவர்கள் வேறு யாருமல்ல, எனக்கு அருகில் நின்று தொழுதவர்கள்.
“Anta Muslim? Limada tusalli? ‘adam wa’dha al yedduka al yameen ala shimal.” (நீங்கள் முஸ்லிமா? நீங்கள் எதற்காக தொழுகின்றீர்கள்? தொழும்போது வலது கையை, இடது கைக்கு மேல் வைக்க வேண்டும்)
ஆம், அந்த சிறுவர்கள் கண்டுபிடித்து விட்டார்கள். நான் முஸ்லிமா? என்ற சந்தேகம் அவர்களுக்கு வந்து விட்டது.
பிறகு அவர்கள் எனக்கு சொல்லி கொடுத்தார்கள். எப்படி ருக்கூ (How to Bow) செய்ய வேண்டுமென்று, எப்படி சஜிதா (How to Prostrate) செய்ய வேண்டுமென்று மற்றும் எப்படி கால்களை வைக்க வேண்டுமென்று. அவர்கள் அதோடு விடவில்லை. அவர்களை பின்தொடர்ந்து வருமாறு சைகை செய்தார்கள். எனக்கு இன்னும் நிறைய பயிற்சி வேண்டுமென்று அவர்கள் நினைத்திருக்க வேண்டும்.
அவர்களது வீட்டிற்கு என்னை அழைத்து சென்றார்கள். நான் வீட்டின் வெளியிலேயே நின்று விட்டேன். சங்கடம் தான் காரணம். முன்னே சென்றே அந்த சிறுவர்களில் ஒருவன் நான் தயங்கி நிற்பதை பார்த்து என்னருகில் வந்து “come on” என்று சைகை செய்து என்னை உள்ளே அழைத்து சென்றான். அங்கே 15-16 வயது மதிக்கத்தக்க டீனேஜ் இளைஞர் ஒருவர் என்னை வரவேற்றார். அவர் இந்த சிறுவர்களின் அண்ணனாம்.
என்னை மிக அன்பாக உபசரித்தார். அரேபிய காபியும், சில பேரித்தம் பழங்களையும் கொடுத்தார். ஆனால் எனக்கு புரியவில்லை, என்னை எதற்காக இங்கே அழைத்து வந்தார்கள் என்று. வீட்டை சுற்றிமுற்றி பார்த்தேன். இந்த சிறுவர்களை தவிர வேறு யாருமில்லை. பேச்சை ஆரம்பித்தேன்.
“உங்கள் தாய், தந்தையர் எங்கே?”
நான் கேட்ட கேள்விக்கு அவரால் சைகையால் பதில் சொல்ல முடியவில்லை. சற்று பொறுங்கள் என்பது போன்று சைகை செய்தார். நான், இருவரும் வெளியே போயிருப்பார்கள் போல என்று நினைத்து கொண்டேன்.
அப்போது மற்றொரு டீனேஜ் இளைஞர் வீட்டிற்கு வந்தார். இவரும் அவர்களது சகோதரர் தான். இருவரும் சிறிது நேரம் பேசிக்கொண்டனர். பின்னர், உள்ளே வந்த அந்த இளைஞர் என்னைப் பார்த்து கேட்டார்.
“அமெரிக்கி?” (அமெரிக்கரா?)
“இல்லை, நான் பிரிட்டிஷ்”
“காபி அருந்துகின்றீர்களா?”
இல்லை, நான் ஏற்கனவே அருந்தி விட்டேன் என்று சொல்வது போல தலையசைத்தேன்.
“Tawadha” (உளு செய்யலாம் வாருங்கள்)
உளு (Wudu is the Islamic act of washing parts of the body using water) செய்ய சொல்லிக்கொடுத்தார்.
“வாருங்கள் தொழப்போகலாம்”…
மாலை நேர தொழுகைக்காக கிளம்பினோம்.
“கையை உயர்த்துங்கள்” என்று சொல்லியபடியே என்னுடைய வலது கையை மேலே எழுப்பினார். “பிறகு இப்படி வையுங்கள்” என்று என்னுடைய இடது கையின் மேல் வலது கையை வைத்தார். பிறகு இரு கைகளையும் மார்பில் படியுமாறு மேலே தூக்கினார்.
நாங்கள் நடு ரோட்டில் நடந்து சென்று கொண்டிருக்கின்றோம். ரோட்டின் நடுவில் நின்று கொண்டே அடுத்த பாடத்தை சொன்னார், “நான் செய்வதை போல செய்யுங்கள்” என்று இரு கைகளையும் உயர்த்தி காதுகளுக்கு அருகில் வைத்து கொண்டார்.
பள்ளிக்குள் நுழைந்தோம். அவருக்கு பக்கத்தில் நின்று கொண்டேன். இப்போது முன்பை விட சரியான முறையில் தொழுதேன்.
பள்ளியிலிருந்து திரும்பியவுடன் இரவு நேர உணவு பரிமாறப்பட்டது. நான் மறுபடியும் கேட்டேன்,
“உங்கள் அம்மா எங்கே?”
அவர் தலையசைத்து விட்டு, தூங்குவது போல சைகை காட்டி கீழே பூமியை காட்டினார்.
“Baba wa mama fiy mout, yarhamhummullah. Sister make” (மரணம் எங்கள் பெற்றோரை தழுவிவிட்டது. அவர்கள் இருவர் மீதும் இறைவனின் சாந்தி நிலவட்டுமாக. என் சகோதரி தான் உணவு தயாரித்தார்”
அப்போது தான் புரிந்தது, இவர்கள் பெற்றோரை இழந்த சிறுவர்கள் என்று. குடும்பத்தை காக்கவேண்டிய பொறுப்பை இந்த இளைஞரும் அவருடைய சகோதரியும் தான் ஏற்றிருக்கின்றார்கள். அந்த இளைஞனின் ஆங்கிலம் தெளிவாக இல்லை. அதனால் புரிந்து கொள்வது கடினமாக இருந்தது.
“உங்களுக்கு இஸ்லாம் பிடித்திருக்கின்றதா?” அவர் கேட்டார்.
“ஆம்”
“பிறகு ஏன் நீங்கள் முஸ்லிமாகவில்லை”
“எனக்கு டைம் தேவை”
அவர் எனக்கு என் வீடு வரை லிப்ட் கொடுத்தார்.
“உங்களுக்கு என்ன உதவி வேண்டுமென்றாலும் கேளுங்கள். எங்கள் வீட்டிற்கு எப்போது வேண்டுமென்றாலும் வரலாம்”
நான் அவருக்கு நன்றி கூறினேன்.
அந்த குடும்பத்தின் அன்பு என்னை விட்டு விலகவில்லை. அவர்கள் என் மீது காட்டிய அக்கறையால் நான் மிகவும் நெகிழ்ந்து போனேன். எனக்கு நேர்வழி காட்ட அவர்கள் எடுத்த முயற்சியை பாராட்டினேன்.
இதற்கு பிறகு என் வாழ்வில் நுழைந்த மனிதர் என்னால் மறக்க முடியாதவர். அவர் பெயர் அலி ஜமீலி. ஈரான் நாட்டை சேர்ந்த அமெரிக்கர். உம்ரா (The Umrah is a pilgrimage to Mecca performed by Muslims that can be undertaken at any time of the year) செய்வதற்காக சவுதி அரேபியா வந்திருந்தார்.
எனக்கு இஸ்லாத்தை பற்றி தெரியுமா? என்று கேட்டார். உங்கள் புனித நூலை நான் படித்திருக்கின்றேன் என்று கூறினேன்.அவரது அடுத்த கேள்வி நான் எதிர்பார்த்ததுதான்…
“நீங்கள் முஸ்லிமாகவில்லையா?”
என்னுடைய மூன்று நிபந்தனைகளைப் பற்றி கூறினேன்.
“உங்களுக்கு என்ன பைத்தியமா?, அல்லாஹ்விடம் நிபந்தனைகள் விதிக்க கூடாது. இப்போதே சஜிதா செய்து அல்லாஹ்விடம் மன்னிப்பு கோருங்கள். இஸ்லாம் தான் இறைவனின் மார்க்கம் என்பதில் உங்களுக்கு ஐயங்கள் இல்லையென்றால் இப்போதே ஷஹாதா (Shahada is the testimony of faith indicating belief in one God, Allah, who has no partners and belief that the Prophet Muhammad (peace be upon him) is his final prophet and messenger) சொல்லுங்கள்”
“நான் ஏன் நிபந்தனைகள் போடக்கூடாது?, என் குடும்பமும் முஸ்லிமாக வேண்டுமென்று ஆசைப்படுகின்றேன். அது தவறா?”
“இங்கே பாருங்கள். இறைவன் யாரை நாடுகின்றானோ அவருக்கு நேர்வழி காட்டுகின்றான். உங்கள் குடும்பத்தை காரணமாக காட்டி அவனுடைய வழிகாட்டுதலை அலட்சியப்படுத்துகின்றீர்களா?. இவ்வளவு ஏன்…நாயகம் (ஸல்) அவர்களின் குடும்பத்தினர் அனைவருக்கும் கூட இறைவன் நேர்வழி காட்டவில்லையே!!! நாயகம் (ஸல்) அவர்கள் எவ்வளவோ கேட்டுக்கொண்ட பிறகும் கூட அவர்களது தந்தையின் சகோதரர் முஸ்லிமாகவில்லையே”
எனக்கு தெளிவாக விளக்கினார் ஜமீலி. ஆனால் நான் அவருடன் வாக்குவாதத்தில் ஈடுபட்டேன்.
“நான் என் குடும்பத்தினருடன் பேச வேண்டும்”
“நீங்கள் அதற்கு முன்னே இறந்து விட்டால் என்ன செய்வீர்கள்?. நீங்கள் இஸ்லாம் என்னும் மார்க்கத்தை பற்றி அறிந்து கொண்ட பிறகு அதனை நிராகரித்து விட்டு இறந்தால் நீங்கள் செல்லும் இடம் நரகம் தான். நீங்கள் எவ்வளவு அதிர்ஷ்டக்காரர் என்பது உங்களுக்கு புரியவில்லையா? உங்களை போல எல்லோருக்கும் இறைவன் நேர்வழி காட்டுவதில்லை என்று நீங்கள் அறிந்திருக்கவில்லையா? அவன் உங்களுக்கு கொடுத்திருக்கும் வாய்ப்பை புறக்கணிக்க போகின்றீர்களா?”
அவருடைய அணுகுமுறை எனக்கு பிடித்திருந்தது. சிந்தித்து பார்த்தால் அவர் சொல்வது சரிதான். இந்த வாய்ப்பை நழுவவிட்டால் நான் ஒரு முட்டாள்.
உடனடியாக நான் அடுத்த அடியை எடுத்து வைத்தேன். இஸ்லாமிய தாவாஹ் சங்கத்திற்கு சென்று, அதிகாரப்பூர்வமாக இஸ்லாத்தை தழுவ என்ன செய்யவேண்டுமென்று கேட்டேன். அவர்கள் கூறினார்கள்.
என்னுடன் டேவிட், ஜான் என்ற இரு சகோதரர்களும் இஸ்லாத்தை தழுவினார்கள்.
இஸ்லாத்தை தழுவ நினைப்பவர்கள் ஒன்றை மனதில் கொள்ள வேண்டும். இஸ்லாம், உங்களுக்கான ஆன்மீக அடைக்கலம்.
இறைவன், நம்பிக்கையாளர்களுக்கு தொடர்ச்சியான சோதனைகளை தருவான். இவ்வுலகின் உங்கள் பிரச்சனைகளானது தானியங்கியாக தீர்ந்து விடாது. ஆனால் இறைவனின் உதவி இருந்தால் அவை ஒன்றன் பின் ஒன்றாக விலகிவிடும்.
அதனால் உங்களை அர்ப்பணியுங்கள், பிறகு பொறுமையோடு காத்திருங்கள், இறைவன் உங்களுக்கு அதிகமாக அருளை கொடுப்பானென்று”
சுபானல்லாஹ். இந்த பதிவின் மூலம், நான் இஸ்லாத்தை தழுவும் நிலையிலுள்ள சகோதர/சகோதரிகளுக்கு கூறிக்கொள்ள விரும்புவது…நீங்கள் இஸ்லாத்தை நன்றாக ஆய்வு செய்யுங்கள். அது தான் உண்மை என்ற நிலைக்கு வந்து விட்டால் எக்காரணத்தை கொண்டும் உங்கள் முடிவை தள்ளிப் போடாதீர்கள். முதலில் உங்களை அர்ப்பணித்து விடுங்கள், பின்னர் உங்கள் பிரச்சனைகள் தீர வேண்டுமென்று துஆ செய்யுங்கள். உங்களுக்காக நாங்களும் துவா செய்வோம் என்பதையும் நினைவில் கொள்ளுங்கள்.
சகோதரர் ஜெறோம் பௌல்டரை நீங்கள் தொடர்பு கொள்ள விரும்பினால் பின்வரும் முகவரியில் அவரை நீங்கள் சந்திக்கலாம்…
Jerome Boulter,
LTAP Language Teacher,
English Language Centre,
Faculty of Academic Services,
Taibah University,
PO Box 344
Medina 42353,
Kingdom Saudi Arabia
cel. +966 54 3328708
jerboulter@gmail.com

இதனை எழுதும்போது டாக்டர்.ஜாகிர் நாயக் அவர்களின் ஒரு உரையில் நடந்த சம்பவம் நினைவுக்கு வருகின்றது, நீங்களும் பார்த்திருக்கலாம்.
அந்த உரையின் கேள்வி பதில் நேரத்தில் ஒரு சகோதரி,
“குரான் இறைவேதமென்றால், இஸ்லாம் தான் உண்மையென்றால் அதனை ஏற்க ஏன் மக்கள் அதிக நேரம் எடுத்துக்கொள்கின்றார்கள்?” என்று கேட்க,
அதற்கு டாக்டர். ஜாகிர் நாயக் அவர்கள் பதில் கூறி விட்டு அந்த சகோதரியை பார்த்து கேட்டார் பாருங்கள் ஒரு கேள்வியை,
“சகோதரி, நீங்கள் என்னைப் பார்த்து கேட்டீர்கள், இப்போது நான் உங்களைப் பார்த்து கேட்கின்றேன். இஸ்லாத்தை ஏற்கவிடாமல் உங்களை தாமதப்படுத்துவது எது?” என்று கேட்க, அதன் பிறகு நடந்தது உணர்வுப்பூர்வமான நிகழ்வு. அதனை நீங்களே கீழே பார்க்கலாம்.
இறைவன் ஒருவருக்கு நேர்வழி காட்ட நினைத்து விட்டால் யார் தடுப்பது?
இறைவா, இஸ்லாத்தை ஏற்கும் நிலையிலுள்ள சகோதர/சகோதரிகளுக்கு மனபலத்தை தந்தருள்வாயாக…ஆமின்.
அல்லாஹ்வே எல்லாம் அறிந்தவன்.
Please Note:
சகோதரர் ஜெறோம் பௌல்டர் குறித்த இந்த மொழிபெயர்ப்பு முழுமையானதல்ல. பதிவிற்கு தேவைப்பட்ட தகவல்கள் மட்டும் அவரது வலைத்தளத்திலிருந்து எடுக்கப்பட்டுள்ளது. இஸ்லாமிற்கு வந்த விதம் குறித்த அவரது கட்டுரையை முழுமையாக படிக்க விரும்புபவர்கள் கீழே கொடுக்கப்பட்டுள்ள அவரது இணையதள முகவரியை பயன்படுத்தவும்.
Reference:
1. Why I became Muslim – http://www.jboulter.com/index_files/Page987.htm

ஆஷிக் அஹ்மத் அ. – எதிர்க்குரல்

Sunday, July 6, 2014

ISIS‬ கிலாபா அறிவிப்பு – நிஜங்களும் நிழல்களும்



************************************************************************
1.தற்போது இஸ்லாமிய உலகின் பிரதான பேசு பொருளாக ஏன் சர்வதேச ஊடகங்கள் உச்சரிக்கும் விஷயம் ஈராக்கில் ஐ.எஸ்.ஐ.எல் பெற்ற வெற்றிகளும் அதை தொடர்ந்த கிலாபத் அறிவிப்புமே திகழ்கிறது என்றால் நிச்சயம் அது மிகையானதல்ல. குறிப்பாக அரசியல் விமர்சகர்கள் மற்றும் ஆளும் வர்க்கத்தினர் மத்தியில் மிகப் பெரும் சர்ச்சையையும் இரு வேறு கருத்துருவாக்கத்தையும் ஏற்படுத்தியுள்ளது என்பதை மறுப்பதிற்கில்லை.

2.தற்போது இஸ்லாமிய தேசத்தை அறிவித்துள்ள ஐ.எஸ் மீது இரு வேறு கருத்துகள் இஸ்லாமிய உலகில் நிலவுகின்றன. ஒரு சாரார் உண்மையில் கிலாபத்தை நிலை நாட்டும் கறுப்பு கொடி ஏந்திய நபி (ஸல்) முன்னறிவிப்பு செய்த படையே ஐ.எஸ் என்றும் ஒரு படி மேலாக சென்று அதன் அமீர் பக்தாதி தான் மஹதி என்றும் கருதுகின்றனர். எதிர் தரப்பாரோ இது ஒரு தற்காலிக வெற்றி என்றும் உண்மையில் கிலாபத்தை ஹைஜாக் செய்யும் முயற்சி என்றும் கருதுகின்றனர். மேலும் அமெரிக்கா அல்லது சவூதியின் கைப்பாவை ஐ.எஸ்.ஐ.எஸ் என்றும் குற்றம் சாட்டுகின்றனர். உண்மை என்ன என்பதை பார்ப்பதற்கு முன் நடந்தவற்றை முதற்கண் நோக்குவோம்.
சிரியாவில் நடந்தது என்ன ?
********************************
சிரியாவில் 2011ல் பஷார் அசதுக்கு எதிராக ஆரம்பித்த அமைதியான எதிர்ப்பு போராட்டங்கள் ஆயுதம் தாங்கிய போராட்டமாக உருப்பெற்றது. எல்லாவற்றிலும் மூக்கை நுழைக்கும் சட்டாம்பிள்ளை அமெரிக்கா இதிலும் மூக்கை நுழைத்து ஷியா பஷார் அல் அஸதுக்கு எதிரான சுன்னி போராளிகளுக்கு உதவி செய்ய ஆரம்பித்தது. ஈரானின் நெருங்கிய துணையாக இருந்த சிரியாவை வீழ்த்த சவூதி அரேபியா, கத்தர் முதலான நாடுகளும் Free Syrian Army எனப்படும் குழுவுக்கு நிதியுதவிகளை வழங்கின.
சூழ்ச்சியாளர்களிலெல்லாம் மிகச் சிறந்த சூழ்ச்சியாளன் அல்லாஹ் என்பதற்கேற்ப இவ்வாய்ப்பை பயன்படுத்தி போராளிகள் மத்தியில் ஐ.எஸ்.ஐ.எஸ் மூலம் உருவாக்கப்பட்ட ஜபல் அல் நுஸ்ரா சிரியாவில் நுழைந்து அசாதுக்கு எதிராக போராடி வருகின்றனர். ஜபல் அல் நுஸ்ராவுக்கும் ஐ.எஸ்.ஐ.எஸ்சுக்கும் உள்ள கருத்து வேறுபாடினால் தற்போது ஐ.எஸ்.ஐ.எஸ்ஸும் நேரடியாக களத்தில் குதித்து ஈராக் பகுதியை ஒட்டியுள்ள சிரியாவின் சில பகுதிகளை கைப்பற்றி உள்ளது.
ஈராக்கில் நடந்தது என்ன ?
*************************************************
1.சதாம் ஹுசைன் வீழ்த்தப்பட்ட பிறகு சதாம் ஹுசைன் ஆதரவு படையினர், அமெரிக்காவின் ஆதிக்கத்தை விரும்பாத போராளிகள், அல்காயிதா உள்ளிட்ட பல்வேறு குழுக்கள் ஈராக்கில் போராடி வருகின்றன. அல் காயிதாவை தனிமைப்படுத்த சுன்னிகளுக்கு நிதியுதவியும் பின்னாளில் ஈராக் ராணுவத்தில் இணைத்து கொள்ளப்படுவர் என்ற வாக்குறுதியோடும் ஸஹ்வா படைகள் அமெரிக்காவால் 2006ல் உருவாக்கப்பட்டு அல்காயிதா தனிமைப்படுத்தப்பட்டது.
2.ஆனால் நூர் அல் மாலிகி இரண்டாம் முறை ஆட்சி பொறுப்பேற்ற பிறகு சுன்னிகள் முழுமையாய் ஓரம் கட்டப்பட்டனர். இதனால் மீண்டும் ஐ.எஸ்.ஐ.எஸ் வீரியத்துடன் செயல்பட ஆரம்பித்துள்ளது. யாரும் எதிர்பார்க்கா வண்ணம் ஏராளமான பகுதிகளை கைப்பற்றியுள்ளனர்.
3.ஐ.எஸ் எதிர்ப்பாளர்களின் வாதங்கள்
தற்போது இஸ்லாமிய தேசத்தை அறிவித்துள்ள ஐ.எஸ்.ஐ.எஸ்ஸை ஷியாக்கள், அமெரிக்கர்கள், சவூதியர்கள், ஹிஸ்புத் தஹ்ரீர், இஹ்வான் போன்ற அமைப்பினர்கள் (சிலர் அதிகாரபூர்வமாக) இஸ்ரேல் மற்றும் முக நூல் போராளிகள் உள்ளிட்டோர் எதிர்க்கின்றனர்.
4.இஸ்லாமிய தேசத்துக்கு எதிராக பல்வேறு குற்றச்சாட்டுகள் சொல்லப்பட்டாலும் அவற்றில் பிரதானமானவை
1.இஸ்ரேல், அமெரிக்காவின் தயாரிப்பே இவர்கள்
2.சவூதி, கத்தரின் கைப்பாவை
3.ஈரான் மற்றும் ஷியாவின் கைப்பாவைகள்
4.சிறுபிள்ளைதனமான முயற்சி
5.மனித உரிமை மீறல்கள்
6.இஸ்ரேல் அமெரிக்காவின் கையாட்களா ?
இதை விட போராளிகளை கொச்சைபடுத்த முடியாது என்று தெளிவாக சொல்லி விடலாம்.
உஸாமாவை அமெரிக்கா தொடக்கத்தில் ஆதரித்ததை போலவே ஆதரிக்கிறது என்று சொல்பவர்கள் ஒன்றை நினைவில் கொள்ள வேண்டும். அமெரிக்கா தன் நலனுக்காக ஆதரித்ததை போல் ஆப்கனிலிருந்து கம்யூனிஸத்தை துரத்தியடித்தல் எனும் பொது இலக்குக்காகவே அதை உஸாமா ஏற்று கொண்டார் என்பதும் பின் அமெரிக்கா இஸ்லாத்துக்கு எதிராக திரும்பிய போது உஸாமா எதிர்த்ததால் ஷஹீதாக்கப்பட்டதும் வரலாறு. இஸ்ரேல் பிரதமர், அமெரிக்க வெளியுறவு துறை செயலர்களின் சமீபத்திய அறிக்கைகளை படித்தால் எந்தளவுக்கு அவர்களுக்கு ஐ.எஸ்.ஐ.எஸ்ஸை குறித்து அஞ்சுகிறார்கள் என்பதை புரிந்து கொள்ள முடியும்.
சவூதி கத்தரின் கைப்பாவைகளா ?
*************************************************************
1.Free Syrian Army க்கும் ஐ.எஸ்க்கும் வித்தியாசம் தெரியாத நல்லவர்களே இக்குற்றச்சாட்டை முன் வைக்கின்றனர். அஸதுக்கு எதிராக Free Syrian Armyஐ ஆதரித்த அமெரிக்காவும் பிரிட்டனும் ஆயுதம் வழங்கும் நிலைக்கு வந்து அதை கைவிட்டதற்கு காரணமே அவை ஐ.எஸ் கையில் சிக்க கூடும் என்பதாலேயே. மேலும் ஆரம்பத்தில் வேகமாக சிரிய ஜிஹாதை ஆதரித்த சவூதி, கத்தர் மற்றும் துருக்கி போன்றவை மழுப்புவதற்கும் அதுவே காரணம் என்பதை உணர வேண்டும். மேலும் சமீபத்தில் ஐ.எஸ்ஸுக்கு எதிராக போரிடவே சகோதர சண்டைக்காகவே அமெரிக்கா FSAக்கு நிதியுதவி அளிக்க திட்டமிட்டது என்பது குறிப்பிடத்தக்கது.
2.மேலும் ஐ.எஸ்ஸின் கிலாபா அறிவிப்பு மேற்குலகை விட சவூதிக்கே அதிக கலக்கத்தை ஏற்படுத்தியுள்ளதை கிலாபா அறிவிப்பை அடுத்த சவூதியின் அதிகார மட்ட மாற்றங்களிலிருந்தே புரிந்து கொள்ள முடியும். "ஆயுதம் தாங்கிய போராட்டத்தில் நம்பிக்கை இல்லாமல் ஜனநாயகம் மூலம் இஸ்லாத்தை நிலை நாட்ட முயன்ற எகிப்தின் முர்ஸியையே சகிக்க முடியாமல் கவிழ்த்த சவூதி எப்படி இவர்களை சகிப்பார்கள் என்று எதிர்பார்க்க முடியும்".
ஈரான் மற்றும் ஷியாவின் கைப்பாவைகள் ?
*************************************************************************************
1.ஈராக்கில் சுன்னிகள் மூலம் வன்முறையை தூண்டுவதன் மூலம் ஈராக்கில் தன் பிடியை தக்க வைக்க ஐ.எஸ்ஸை ஈரான் உருவாக்கியது என்பது எவ்வளவு அபத்தம் என்பதற்கு ஷியா வீரர்களையும் அவர்களது அடக்கத்தலங்களையும் ஐ.எஸ் இடித்தது எனும் செய்தியிலிருந்தே புரிந்து கொள்ளலாம். மேலும் ஐ.எஸ்ஸை ஒழிக்க நிச்சயம் ஈரானும் , சிரியாவும் கூட அமெரிக்காவுடன் கை கோர்க்கும் என்பதை நாம் பார்க்க தான் போகிறோம்.
மனித உரிமை மீறல்கள்
**************************************************
1.ஷியாக்களை கொல்வது போன்ற வீடியோக்கள், கொன்று விட்டு ரத்தம் குடிப்பது போன்ற கொடூரமான புகைப்படங்கள் என இணையத்தில் வெளியானதை தொடர்ந்து இஸ்லாம் சொல்லும் போர் விதிகள் கடைப்பிடிக்கப்படவில்லை என்று குற்றம் சொல்லப்பட்டது. இவ்வாறாக ஐ.எஸ் மீது மனித உரிமை குற்றம் சுமத்துபவர்கள் முதலில் ஒன்றை தெளிவாக புரிந்து கொள்ள வேண்டும். ஊடகங்களில் வெளியாகும் அனைத்தும் உண்மை அல்ல என்பதும் ஐ.எஸ்ஸை அசிங்கப்படுத்த மேற்குலக ஊடகங்கள் எடுக்கும் முயற்சி என்பது ஊடகத்தை நன்கு தெரிந்த அனைவருக்கும் தெளிவாக விளங்கும்.
2.FSA தளபதி ஒருவர் 2011ல் செய்த போர் கொடுமைகள் ஐ.எஸ் செய்ததை போல் இணையத்தில் உலாவுவதும் ஈராக்கிய படைகள் செய்த கொடுமைகள் ஐ.எஸ் மேல் போடப்படுவதும் நடைபெறும் யதார்த்தமாகும். சமீபத்தில் கூட திக்ரித்தில் பணி புரிந்த 46 இந்திய நர்சுகளை ஈராக்கிய அரசு படைகளின் தாக்குதலிருந்து காப்பாற்ற மொசூலுக்கு மாற்றிய ஐ.எஸ்ஸின் செயலை வழக்கம் போல் ஊடகங்கள் தீவிரவாதிகள் கடத்தல் என்று எவ்வாறெல்லாம் திரித்தன என்பது நாம் அறிந்ததே. ஜனநாயக நாடுகளின் ராணுவத்தினர் பெண்களை தேடி வேட்டையாடி வன்புணர்வு செய்யும் காலகட்டத்தில் எதுவும் செய்யும் அதிகாரமிருந்தும் மூச்சு காற்று கூட படாமல் அனுப்பி வைத்த ஒரு செயல் போதும் அவர்கள் எப்படிப்பட்ட மனிதாபிமானம் மிக்கவர்கள் என்பதற்கு. மேலும் போர்களத்தில் எல்லா எதிரிகளையும் ஓரே மாதிரி நடத்த முடியாது என்பதையும் விளங்கி கொள்ள வேண்டும்.
சிறுபிள்ளைதனமான முயற்சி
*****************************************************
1.கிலாபத்துக்காக போராடும் இயக்கவாதிகள், உலமாக்கள் உள்ளிட்டோர் ஐ.எஸ் கிலாபத் அறிவிப்பின் மூலம் அவசரப்பட்டு விட்டது, யாருடனும் கலந்து ஆலோசிக்கவில்லை, ஷரியாவுக்கு எதிரானது என்றெல்லாம் குற்றம் சுமத்துகின்றனர். உண்மையில் ஐ.எஸ் ஆலோசனை செய்தார்களா என்பது தெரியவில்லை. அவர்கள் அனைவரையும் கலந்து ஆலோசனை செய்திருந்தால் இன்னும் நலமாக இருந்திருக்கும் என்பதில் மாற்று கருத்தில்லை. உண்மையில் இம்மார்க்கம் நிலை பெற போராடிய செசன்யாவின் ஷாமில் தொடங்கி ஆப்கனில் ஷஹீதான் உஸாமா வரைக்கும் உண்மையான எண்ணத்துடனே போரிட்டார்கள் என்பதில் மாற்று கருத்தில்லை. அல்லாஹ் அவர்களின் பாவங்களை மன்னித்து ஷஹீது உடைய அந்தஸ்தை அளிக்க வேண்டும் என்று பிராத்திப்போமாக.
2.ஆனால் எல்லா அமைப்புகளும் கிலாபத்துக்காக போராடவில்லை என்பதும் லிபியாவின் உமர் முக்தார் போன்ற பலர் தங்கள் நாட்டை ஆக்கிரமிப்பிலிருந்து மீட்கவுமே போராடினர் என்பதை புரிந்து கொள்ள வேண்டும். இதன் காரணத்தால் அவர்களின் தியாகத்தை நாம் எள்ளவும் குறைத்து மதிப்பிடவில்லை. இஸ்லாமிய உலகின் மதிப்புக்குரிய அறிஞர்களின் கருத்துகளை பார்க்கும் போது சில போது தாங்கள் வசிக்கும் நாட்டின் அதிகார பீடத்தை திருப்திபடுத்த கருத்துரைக்கின்றனரோ என்ற ஐயம் எழுவதை தடுக்க முடியவில்லை.
முஸ்லீம்கள் என்ன செய்ய வேண்டும் ?
***************************************************************************************
1.விரும்பினாலும் விரும்பாவிட்டாலும் கிலாபத் அறிவிக்கப்பட்டு இமாம் ஜும்மாவும் கொடுத்துள்ள சூழலில் முஸ்லீம்களாகிய நாம் (ஐ.எஸ்ஸை ஆதரிக்கும் / எதிர்க்கும்) என்ன செய்ய வேண்டும் என்பதை தீர்மானிக்க வேண்டும்.
2.ஐ.எஸ்ஸை ஆதரிக்கும் முஸ்லீம்கள் ஐ.எஸ் உண்மையிலேயே கிலாபத்துக்கான பாதையை நோக்கி பயணிக்கிறதா என்பதை கண்காணிப்பதோடு விமர்சனத்துக்கு அப்பாற்பட்டதல்ல ஐ.எஸ் என்ற உண்மையை விளங்கி கொள்ள வேண்டும்.
3.மேலும் ஐ.எஸ் JAN, AQ, உள்ளிட்ட பிற போராளி அமைப்புகளிடம் இணக்கமாக இருக்க முயற்சி செய்வதோடு தேவையற்ற முஸ்லீம் உம்மாவின் ரத்தம் ஓட்டப்படுவதை தடுப்பதில் தனி கவனம் செலுத்த வேண்டும்.
4.ஐ.எஸ்ஸை எதிர்க்கும் முஸ்லீம்கள் யூத, பிராமண, நஸ்ரானியின் பிடியில் சிக்கியுள்ள ஊடகங்களின் வாயிலாக நிகழ்வுகளை பார்ப்பதை நிறுத்தி கொள்ள வேண்டும்.
5.அறிவிக்கப்பட்ட கிலாபாவை உறுதிப்படுத்தும் முயற்சியில் துணை நிற்பதோடு அதை பரவலாக்கவும் பாடுபட வேண்டும்.
6.இதற்கு பிறகும் அவர்களுக்கு சந்தேகம் இருக்கும் பட்சத்தில் இறைவனிடத்தில் துஆ செய்து நிகழ்வுகளை அவதானிக்க வேண்டும்.
7.குறைந்த பட்சம் யூத கைக்கூலிகள் என்றெல்லாம் போராளிகளை கொச்சைப்படுத்துவதை தவிர்த்து கொள்ள வேண்டும்.
8.கடைசியாக ஐ.எஸ்ஸின் தளபதி ஒருவர் கேட்ட துஆவுடன் இக்கட்டுரையை நிறைவு செய்கிறேன்.
9."யா அல்லாஹ் இக்கூட்டம் உண்மையிலேயே கிலாபாத்துக்காக பாடுபட கூடிய ஒன்றெனில் இதை வெற்றி பெற செய்வாயாக. மாறாக இது கவாரிஜ்களாகாவோ, மேற்குலகின் கைப்பாவையாகவோ இருக்கும் பட்சத்தில் இதன் முதுகை முறித்து விடுவாயாக"
(அல்லாஹ்வே அனைத்தையும் அறிந்தவன்)
Jazkallah to http://islamiyakolgai.blogspot.ae

Friday, June 20, 2014

முஸ்லிம் நாடுகளின் தூதர்கள் கூட்டாகத் திரண்டு வந்து இலங்கை அரசை கண்டித்தது இலங்கையை நடுங்கச் செய்துள்ளது

மனித  உரிமை  மீறலின் உச்சத்துக்கே ஒரு நாடு செல்லும்போது, அந்நாட்டுக்கு எதிராக சர்வதேச நாடுகளின் நெருக்குதலும், ஐ.நா.மன்றத்தின் தலையீடும் அவசியம் என நேற்று முன்தினம் ஒரு பதிவு எழுதியிருந்தேன். 

குறிப்பாக இலங்கையில் முஸ்லிம்களுக்கு எதிராக நடக்கும் இன அழிப்பைத் தடுக்க, முஸ்லிம் நாடுகள் உடனடித் தலையீடு செய்ய வேண்டும் என சொல்லியிருந்தேன். நம் கருத்துக்கு ஏற்ப நல்லதொரு நிகழ்வு இலங்கையில் நடந்துள்ளது.

அதிபர் ராஜபக்சேவை, பங்களாதேஸ் – ஈரான் – இராக் – எகிப்து இந்தோனேசியா – குவைத் – மலேசியா – மாலத்தீவு – நைஜீரியா – பாக்கிஸ்தான் – பாலஸ்தீனம் – துருக்கி – ஐக்கிய அரபு அமீரகம் – சவூதி அரேபியா – கத்தார் ஆகிய நாடுகளின் தூதர்கள் சந்தித்து தமது அதிருப்தியையும் கண்டனத்தையும் பதிவுசெய்துள்ளனர். இலங்கை முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் இதற்கான ‘லாபி’யை செய்துள்ளார்.
மத்திய கிழக்கில் உள்ள முஸ்லிம் நாடுகளில் சிங்களர்களுக்கு வேலைவாய்ப்பற்ற சூழல் உருவாகும் என்றும், இலங்கையைச் சார்ந்தவர்களுக்கு அங்கு தொழில் செய்ய இயலாத நிலை உருவானால் பொருளாதார ரீதியில் இலங்கை கடும் பின்னடைவை சந்திக்கும் என்றும் இலங்கையிலுள்ள அயலக வேலைவாய்ப்புப் பணியகம் நேற்றே எச்சரித்தது. இந்நிலையில் முஸ்லிம்  நாடுகளின் தூதர்கள் கூட்டாகத் திரண்டு வந்து கண்டித்தது இலங்கை அரசை நடுங்கச் செய்துள்ளது.

முஸ்லிம்  நாடுகளின் அழுத்தம் ஒருபுறம் வர, மறுபுறம் ஐ.நா.வின் மனித உரிமை ஆணையர் நவநீதம் பிள்ளை,  இலங்கை முஸ்லிம்களுக்கு ஆதரவாக குரல் எழுப்பினார். சர்வதேச அளவில் சிக்கல் வெடிப்பதை உணர்ந்த ராஜபக்சே, இனவாதத்தை தூண்டும் சக்திகள் மீது உடனடி நடவடிக்கை எடுக்க இருப்பதாக அறிவித்துள்ளார்.

அவர் நடவடிக்கை எடுக்கிறாரா இல்லையா என்பது வேறு. ஆனால், சர்வதேச அழுத்தம் அவரைப் பணிய வைக்கிறது. ஈழத் தமிழர் விவகாரத்தில் சவால் விட்டு சவடால் அடித்த ராஜபக்சேவால் இப்போது அப்படிச் செய்ய முடியவில்லை. எரிவதைப் பிடுங்கினால் கொதிப்பது அடங்கும் என்பார்கள். மத்திய கிழக்கு முஸ்லிம் நாடுகள் நினைத்தால் அது சாத்தியம்.

அதுசரி,  இந்தியாவிலும் ஒரு இனப்படுகொலை நடந்ததே.. இங்கும் அந்த முஸ்லிம் நாடுகளின் தூதர்கள் உள்ளனரே.. சர்வதேச அழுத்தத்தை உருவாக்காதது நம் குற்றமே! ரவூப் ஹக்கீமுக்கு  தோன்றியது  நமக்குத் தோன்றவில்லையே!

நன்றி : ஆளூர் ஷாநவாஸ்

Thursday, May 29, 2014

முஸ்லிம் கட்சிகள் இதுபற்றி சிந்திக்க வேண்டும் - அசாதுதீன் உவைஸி

பா.ஜ.க. பெரும்பான்மையான கட்சி என்பதை நான் ஏற்றுக்கொள்கிறேன். பலரும் பங்கேற்பதை விட பெரும்பான்மையான ஆட்சி அமைவதற்கு இது ஒரு முயற்சி என்பதில் சந்தேகமில்லை.
இலங்கையில் சிங்களர்கள் பெரும்பான்மை கொண்டு அரசு அமைத்ததற்கு பின்னர் என்ன நடந்தது என்பதை நாம் கண்கூடாக பார்ப்பதால் இப்போது நமக்கு ஆர்வம் ஏற்பட்டுள்ளது.
இந்த சூழ்நிலைக்கு மோடி செல்வாரா..? அவர் இளமைக்காலத்தில் ஆர்.எஸ்.எஸ்.சின் பிரச்சாரகராக இருந்து வந்துள்ளார். மோடி நாடாளுமன்ற மையக்கூடத்தில் ஆற்றிய முதல் உரையில் தீனதயாள் உபாத்யாயாவை பற்றி குறிப்பிட்டுள்ளார்.
ஆனால், முஸ்லிம்களை நம்பக்கூடாது என்று மோடி கூறிய பிறகு அவருடைய ஒருங்கிணைந்த மனிதாபிமானக்கொள்கை என்ன ஆகிறது..? ஆர்.எஸ்.எஸ்.சின் கொள்கை பிரிவினைவாதம் என்பது தெளிவு.
ஒரு நபரை அவருடைய கடந்த காலத்தை கொண்டு தீர்மானிக்க முடியும். நரேந்திர மோடி தன்னுடைய தேர்தல்பிரசாரத்தின் போது குஜராத் அரசை முன்மாதிரி என்று கூறிவந்தார்.
குஜராத்தில் மேம்பாடு என்பதை ஏற்றுக் கொள்ள முடியும் என்று யாராகிலும் கூறமுடியுமா..? உண்மை அவ்வாறானால்,
அஹமதாபாதுக்கும், முஸ்லிம்கள் பெரும்பான்மையாக உள்ள ஜகபூராவுக்கும் இடையிலான மெட்ரோ திட்டத்தை ஏன் நிறுத்தவேண்டும்..?
அஹமதாபாதில் ஜகபூரா வழியாக செல்லாத எரிவாயு தடம் அமைந்துள்ளது. குஜராத்தில் உள்ள சிறுபான்மை பள்ளி மாணவர்களுக்கு கல்வி உதவித் தொகையை மோடி ஏன் எதிர்க்க வேண்டும்?
மத மாறுதல் விரும்பும் நபர் அரசின்அனுமதி பெற வேண்டும் என குஜராத் சட்டசபையில் ஏன் சட்டம் இயற்ற வேண்டும்?
ஆளுநர் அந்த மசோதாவுக்கு ஒப்புதல் தரவில்லை என்பதற்கு நன்றி.
தேர்தல் முடிவுகள் வெளியான அன்று அக்சர்தாம் கோவில் வழக்கில் குற்றம் சாட்டப்பட்ட அனைவரும் விடுதலை செய்யப்பட்டனர். அவர்கள் 11 வருட தண்டனையிலிருந்து மீண்டார்கள்.குஜராத் உள்துறை அமைச்சகம் மாநில அரசு ஆகியவை இந்த வழக்கில் இதயப்பூர்வமாக நடந்து கொள்ளவில்லை என்று உச்சநீதிமன்றம் விமர்சித்தது.
தேர்தல் பிரசாரத்தின் போது நரேந்திரமோடி துர்க்கா பூஜை நடக்கும் நேரத்தில் வங்காளிகள் மட்டும் மேற்கு வங்கத்தில் இருக்க வேண்டும். மற்றவர்கள் மாநிலத்தை விட்டு வெளியேறவேண்டும் என்று கூறினார்.
அடல் பிஹாரி வாஜ்பாயும், எல்.கே. அத்வானியும் முஸ்லிம்களுக்கு ஆதரவாக இருந்தார்கள் என்பதை நான் ஒப்புக்கொள்ள மாட்டேன். கிரஹாம் ஸ்டெயின்சுக்கு என்ன நடந்தது என்பதை மறக்க முடியுமா?
2002 கலவரத்தின் போது வாஜ்பாயி பிரதமராகவும், எல்.கே.அத்வானி உள்துறை அமைச்சகம் மற்றும் குஜராத் எம்.பி.பொறுப்பில் இருந்தார்கள். கலவரத்தை தூண்டும் பேச்சுக்காக இம்ரான் மசூத் தேர்தலை இழந்ததையும், ஆனால், அதேரீதியாக பேசிய கிரிராஜ்சிங் தேர்தலில் வென்றதையும் நாடு பார்த்துக் கொண்டிருந்தது. 18 சதவீதம் முஸ்லிம்களைகொண்டுள்ள உத்தரப்பிரதேசத்தில் ஒரு முஸ்லிம் எம்.பி. கூட தேர்ந்தெடுக்கப் படவில்லை.
10 சதவீத முஸ்லிம்களை கொண்டுள்ள தமிழ்நாட்டிலும், ஒரிஸ்ஸாவிலும் பா.ஜ.க.வால் ஏன் கணிசமாக வெற்றி பெறமுடியவில்லை. ஆனால், 17 சதவீதம் முஸ்லிம்களை கொண்டுள்ள அஸ்ஸாமில் பா.ஜ.க. மிகப் பெரிய வெற்றிபெற்றுள்ளது.
பீகார், உ.பி., மேற்கு வங்கம் மற்றும் அஸ்ஸாமில் வகுப்புவாதம் வேரூன்றியுள்ளதே இதற்கு காரணம் என்பதுதெளிவாகிறது. முஸ்லிம்கள் 15 மற்றும் 16 சதவீதம் உள்ள மாநிலங்களில் பா.ஜ.க. நல்ல பலன் அடைந்துள்ளது. பா.ஜ.க.வின் 448 வேட்பாளர்களில் முஸ்லிம் எம்.பி. ஒருவர் கூடதேர்ந்தெடுக்கப்படவில்லை.
பா.ஜ.க.வின் விளம்பரதாரரான ஷாநவாஸ் உசைன் முஸ்லிம்கள் 18 சதவீதம் உள்ள பகல்பூர் தொகுதியில் தோல்வியடைந்தார். இந்த முறை 21 முஸ்லிம் எம்.பி.க்கள்தேர்ந்தெடுக்கப்பட்டனர். அவர்கள் கட்சி அடிப்படையில் வெற்றிபெறவில்லை. அந்த தொகுதிகளில் போதுமான அளவிற்குமுஸ்லிம் வாக்காளர்கள் இருந்தனர் என்பதே அதற்கு காரணம். 2004-ல் 36 முஸ்லிம் எம்.பி.க்கள் இருந்தனர். 2009-ல் அது 28 ஆக குறைந்தது. தற்போது 2014-ல் 21 முஸ்லிம் எம்.பி.க்களே உள்ளனர்.
பிராமணர்கள், ஷத்திரியர்கள் மற்றும் இதர பிற்பட்டவகுப்பினரை பாருங்கள். அவர்கள் தங்கள் மக்கள் தொகையைவிட அதிகப் பிரதிநிதியை பெற்றுள்ளனர்.
கர்நாடகா, தெலுங்கானா உள்பட ஆந்திரப்பிரதேசம்,மகாராஷ்டிரா ஆகிய மாநிலங்களில் மொத்தம் 118 நாடாளுமன்றதொகுதிகள் உள்ளன. இவற்றில் நான் மட்டுமே முஸ்லிம் எம்.பி.மதச்சார்பற்ற கட்சிகள் முஸ்லிம் வேட்பாளர்களுக்கு தங்கள் வாக்குகளை அளிக்கவில்லை. அனைத்து முஸ்லிம் அமைப்புகளும் ஒரே கட்சியை அமைத்து ஒரே குடையின் கீழ் இணைய வேண்டும். அப்போதுதான், சிறுபான்மையினர் உரிமைகளை காக்க முடியும்.
மதச்சார்பற்ற கட்சிகள் முஸ்லிம் வேட்பாளர்களுக்கு வாக்களிக்கவில்லை.
முஸ்லிம் லீக், எம்.ஐ.எம். அல்லது ஏ.ஐ.யு.டி.எஃப். கட்சிகள் இதுபற்றி சிந்திக்க வேண்டும். நம்முடைய நாட்டில் ஆர்.எஸ்.எஸ்.கொள்கை நிலைபெறாமல் செய்வதே நமது கடமை.
பா.ஜ.க.வை தோற்கடிக்கும் இயக்கத்திற்கு வழிகாட்டிகளாக நாம் இருக்கவில்லை. இந்த முழு பொறுப்பையும் என் மீது நீங்கள் சுமத்தக்கூடாது. நான் மதச்சார்பின்மையின் கூலி ஆள் அல்ல.
ஆர்.எஸ்.எஸ். பிரசாரகர்களை பிரதமராக்குவதற்கு அனைத்து மதச்சார்பற்ற கட்சிகளும் ஒன்றுபட்டுள்ள நிலையில் நாம் நம்முடைய தலைவிதியை நிர்ணயித்துக் கொள்ளும் எஜமானர்களாக ஆக வேண்டும்.
-அசாதுதீன் உவைஸி (நாடாளுமன்ற உறுப்பினர்)
நாடாளுமன்றத்தில் உவைசியின் பேச்சு (மன்மோகன் சிங் ஆட்சியில் உரையற்றியது)


Saturday, May 17, 2014

2014 தேர்தல் முடிவுகள் முழு விபரம்


பார்ப்பனர்கள் மாறவே மாட்டார்கள்! கூறுவதும் ஒரு பார்ப்பனரே!

பார்ப்பனர்கள் மாறவே மாட்டார்கள்! கூறுவதும் ஒரு பார்ப்பனரே!
கலாச்சாரத்தை என்றுமே விட்டுக் கொடுக்கவே மாட்டார்கள்!!

தி இந்து ஏடே அம்பலப்படுத்துகிறது

“The Big paradox” எனும் தலைப்பில் டி.எம்.கிருஷ்ணா என்பவர் தி இந்து ஆங்கில ஏட்டில் (10.5.2014) எழு தியுள்ள கட்டுரையில் பார்ப் பனர்கள் தங்கள் கலாச் சாரத்தில் பழக்க வழக்கங் களில் அதி தீவிரப்பற்றாளர் கள்; பார்ப்பனர் அல்லா தாரை வித்தியாசமாகவே பார்க்கக் கூடியவர்கள் என்றெல்லாம் விரிவாக எழுதியுள்ளார். நரேந்திர மோடியை பார்ப்பனராக அறிவிப்பதாக சு.சாமி கூறி யது சரியானதல்ல, ஆகக் கூடியதல்ல என்பது குறித் தும் கட்டுரை விவரிக்கிறது.

பார்ப்பனர்களுக்கு என்ற ஒரு அடையாளம் உள்ளது. எடுத்துக்காட்டாக அவர்களுக்குப் பெரும் பான்மை மக்கள் விரும்பும் இசையில் விருப்பமிருக் காது, ஒரு சிலர் மாத்திரமே விரும்பும் கர்னாடக இசை யில் அதீத ஈடுபாடு கொண் டிருப்பார்கள். ஒரு நிறு வனத்தை எடுத்துக் கொண் டால் அங்கு உச்ச அதிகாரங் களைக் கொண்டவர்களாக பார்ப்பனர்கள் இருப்பார் கள். அதே போல் முக்கிய மான அனைத்துத்துறை களிலும் பார்ப்பனர்கள் கட்டாயம் இருப்பார்கள். யாரை நியமிக்கவேண்டும் என்பதை பார்ப்பனர்கள் தான் தீர்மானிப்பார்கள்.

பார்ப்பனர்கள் உணவும் சமூகத்தில் உயர்ந்த வகை உணவாக கருதப்படுகிறது. பார்ப்பனர்களுக்கு என்று ஒரு தனிப்பட்ட கொள்கை உண்டு அதில் வேறு எந்த நபரும் சமூகத்தாரும் நுழைய முடியாது. தமிழகத்தை எடுத்துக் கொண்டால் பார்ப்பனர்கள் ஆண் பெண் இருவருமே பார்ப்பனீய கொள்கையில் அதிதீவிர பற்றுள்ளவர்கள். அது அவர்களின் பழக்க வழக்கங்களிலோ, விழாக் களிலோ, கலாச்சாரங் களிலோ எள்ளளவும் மாற மாட்டார்கள். வேத காலத் தில் இருந்து வந்த கலாச் சாரம் மிகவும் சிறந்த கலாச் சாரம் என்று அதைப் பாது காக்கும் நோக்கில் அவர் களின் ஒவ்வொரு செயலும் இருக்கும். பார்ப்பன கலாச் சாரத்தை அடுத்த தலை முறைக்கும் கொண்டு செல்வதையே தங்களின் தலையாய கடமையாக செய்வார்கள். அதே நேரத் தில் எவ்வளவு நெருக்க மான நண்பர்களாக இருந் தாலும் தங்களில் கலாச் சாரத்திற்குள் விடாமல் அவர்களை தனி ஆளாக நிற்கவைத்துவிடுவார்கள். உதாரணத்திற்குப் பார்ப் பன நன்பர்களின் வீட்டிற்கு நாம் செல்லலாம் ஆனால் வீட்டில் உள்ளவர்கள் நாம் பார்ப்பனர் அல்லாதவர் என்று அறிந்ததும் அவர் களின் செயல்களில் பெரி தும் மாற்றம் தெரியவரும்.

எடுத்துக்காட்டாக வீட்டில் உள்ளவர்களுக் கும் நம்முடன் வந்திருந்த பார்ப்பனர்களுக்கும்  தம்ள ரில் தண்ணீர் தருவார்கள், பார்ப்பனர்கள் அல்லாத நமக்குத் வேறு குவளை யிலோ அல்லது கண்ணாடி பாத்திரத்திலோ தருவார் கள். நாம் வெளியே போகும் வரை அந்த தம்ளரை எடுக்க மாட்டார்கள். முக்கியமாக பெண்களை தங்களது சமையலறைக்குள் அவ் வளவு சாமானியத்தில் அனுமதிப்பதில்லை.

இப்போது முரண்பாட் டிற்கு வருவோம்

சுப்பிரமணிய சாமி கூறி யது போல்  பிற பிற்படுத் தப்பட்ட நபரை பார்ப் பனராக எப்படி மாற் றுவது? வேதகாலத்தில் இருந்து தாங்கள் காப்பாற்றி வரும் மரபை உடைத்து பிறிதொருவரை பார்ப் பனர்கள் என்று எப்படி ஏற்றுக்கொள்ள முடியும்? அந்த மனநிலைக்கு எப்படி மாறுவார்கள்?  நரேந்திர மோடி தொடர்பில் இந்த பாகுபாடு மேலும் பெரும் குழப்பத்தை ஏற்படுத்தும். அரசியலில் ஊடகங்களின் மூலம் பிரபலப்படுத்தப் பட்ட ஒரு நபரை பல நூற்றாண்டுகளாக பாரம் பரியத்துடன் கட்டுக்கோப் பாக காத்துவரும் வருணா சிரமப்  படியின் முதல் இடத்தில் ஒருவரை அதி லும் பிற்படுத்தப்பட்ட வகுப்பைச்சேர்ந்த ஒரு வரை கொண்டுவருவதும் வெறும் விளம்பரத்தளவில் நின்றுவிடும்.

பார்ப்பனீயம்  என்பது எந்த விதத்திலும் தங்களு டைய பழக்க வழக்கங் களை விட்டுக்கொடுக்காத ஒன்று. பார்ப்பனர்கள்: தங்களின் பார்ப்பனீயக் கொள்கையில் சிறிதும் பிசகாமல் நடப்பவர்கள். அதே நேரத்தில் விழிப் புடன் இருந்து தங்களின் பார்ப்பனீயக் குடையில் எந்த ஒரு சிறு ஓட்டையும் விழாமல் பார்த்துக் கொள் பவர்கள். கொள்கை ரீதி யாகவே பார்ப்பனர்கள் எந்த ஒரு இடத்திலும் பிறரை தங்களுடன் அய்க்கியமா வதை கடுமையாக எதிர்ப் பார்கள், வெளிப்படையாக இல்லாவிட்டாலும் உள்ளுக்குள் அவர்களின் எதிர்ப்புத் தன்மை வீரியத்துடன் இருக்கும்

பார்ப்பனர்களுக்கு என்று ஒரு தனித்துவமிக்க சட்டதிட்டங்கள் அவர் களாகவே உருவாக்கிக் கொண்டு விட்டார்கள். இதில் எந்த இடத்திலும் மோடிக்கென்று வளைந்து கொடுக்க அவர்களின் சட்ட திட்டம் ஒப்புக்கொள்ளாது. பாரதீய ஜனதாவில் பல பார்ப்பனத் தலைவர்கள் மோடியின் அதிகாரம் கட் சியில் பரவுவதைத் தடுத்தே வந்துள்ளனர். ஆர்.எஸ்.எஸ் மோடியை முன்னிறுத்தக் காரணம் பார்ப்பனரல்லாத ஒரு முகத்தை முன்னிறுத் தும் போது அதிக எண் ணிக்கையில் மக்களின் வாக்கை கவரமுடியும் என்ற ஒரே நோக்கம் தான். மற்றபடி நரேந்திரமோடி என்னும் ஒரு பிற்படுத்தப் பட்ட வகுப்பைச்சேர்ந்த ஒருவரை முக்கியத்துவப் படுத்துவதில் வேறு எந்த காரணமும் இல்லை.

இந்தியாவில் நடுத்தர குடும்பத்துப் பார்ப்பனர் கள் எந்த விதத்திலும் அர சியல் தொடர்பானவை களில் தலையிடுவது கிடை யாது. மேலும் மிகவும் சொற்ப எண்ணிக்கையில் உள்ள இவர்களினால் அரசி யலில் பெரிதும் மாற்றத் தைக் கொண்டுவர இயலாது.  இவர்களின் ஆதரவு பார்ப்பன தலைமைக்குத் தான் கட்டாயம் செல்லும், இவர்கள் எந்த ஒரு வகை யிலும் நரேந்திர மோடியை பிற்படுத்தப்பட்ட ஒருவ ராகத்தான் வகைப்படுத்து வார்கள். எந்தக்காலத்திலும் பார்ப்பனர்களில் ஒருவராக இவரை ஏற்றுக்கொள்ள மாட்டார்கள். தென் இந்தியரான சுப்பி ரமணிய சாமி சொல்வதில் ஒரு உண்மை புலப்படும். தென்னிந்தியாவைப் பொறுத்தவரை நிறம் பெரிய இடம் வகிக்கிறது, தென்னிந்தியர்கள் வெண் மையாக உள்ளவர்களை பார்ப்பனர்களாக பார்க்கும் பழக்கம் உள்ளவர்கள், அதே நேரத்தில் குணநலத்தி லும் பார்ப்பன சாயல் இருக்கும் என்று நினைப்ப வர்கள்.  மோடி இந்திய அளவில் தனித்தன்மை கொண்ட அர சியல்வாதியாக திகழ்கிறார்.  மக்களை காவி நிறத்தில் பின்னால் நின்று ஏமாற்றும் தந்திரத்தை அவர் முந்தைய கால குஜராத் ஆட்சியின் போது கற்றுக்கொண்டார்.

முக்கியமாக பெரும் பான்மை இந்துக்களின் பாதுகாவலனாகவும் முக் கியமான எதிர்மதத்தவர் களின் (முஸ்லீம்) எதிரியாக வும் தன்னைக் காட்டிக் கொள்வதில் அவர் தயங்க வில்லை. அதே நேரத்தில்  நாட்டு வளர்ச்சிக்கு முக் கியத்துவம் தருவதுபோல வும் ஊடகங்கள் மூலம் தன்னை காட்டிக்கொண்டு இருக்கிறார்.  இந்துத்துவா அமைப்புகளின் பின்னால் இருக்கும் பார்ப்பனர்கள் சமூகத்தில் ஒத்துவராத முரண்படான இதுபோன்ற வெத்துவேட்டு அறிக்கை களை விட்டு பரபரப்பை ஏற்படுத்திக்கொண்டு தான் இருப்பார்கள்.
-

யார் இந்த டி.எம்.கிருஷ்ணா?

டி.டி கிருஷ்ணாமாச்சாரி தொழில் குடும்பத்தைச் சேர்ந்த புகழ்பெற்ற கர்நாடக இசைக் கலைஞர் டி.எம். கிருஷ்ணா, 6 வயது முதல் கர்நாடக இசையில்  பயிற்சி பெற்றவர். ஜே கிருஷ்ணமூர்த்தி அறக்கட்டளை பள்ளியில் படித்து பின்னர் விவேகானந்தா கல்லூரியில் பொருளாதாரப் பாடத்தில் இளங்கலை பட்டம் பெற்ற கிருஷ்ணா, கர்நாடக இசை குறித்து  எழுதிய  A Southern Music: The Karnatik Story   என்ற நூலில் 19-ம் நூற்றாண்டின் இறுதியில் கர்நாடக சங்கீதத்தில் ஏற்பட்ட பார்ப்பன ஆதிக்கம் மற்றவர்களை ஒதுக்கி வைத்து இப்போது நடைமுறையில் உள்ள உயிரற்ற கச்சேரி வடிவத்தை கொடுத்த வரலாற்றை விவரித்திருக்கிறார். இசை குறித்தும் சமூகம், அரசியல், கலாச்சாரம், மதம் குறித்தும் அவர் எழுதிய கட்டுரைகள் தி ஹிந்து உட்பட பல நாளிதழ்களில் வெளியாகியுள்ளன.

Related Posts Plugin for WordPress, Blogger...