உள்ளாட்சித் தேர்தலும் முஸ்லிம் கட்சிகளும்..!

நடைபெற இருக்கும் உள்ளாட்சித் தேர்தல் முஸ்லிம் அரசியல் கட்சிகளும் அமைப்புகளும் எடுத்துள்ள முடிவுகள் வருத்தப்பட வைக்கின்றன. ஏற்கெனவே முஸ்லிம்கள் பெரும்பான்மையாக உள்ள பகுதிகளைப் பிரித்துப்போட்டு, பெண்களுக்காக எனவும் தலித்களுக்காக எனவும் ஒதுக்கி, முன்னாள் இந்நாள் முதல்வர்கள் முஸ்லிம்களுக்கு அநியாயம் இழைப்பதில் ஒன்றுபட்டுள்ளனர்.

குரங்கு பங்கு வைத்த ஆப்பத்தில் எஞ்சியிருக்கும் பகுதிகளிலாவது ஒன்றுபட்டுப் பொது வேட்பாளர்களை நிறுத்தினால்கூட முஸ்லிம்கள் அரசியல் பிரதிநித்துவம் பெற்றுப் பதவிக்கு வருவதென்பது சற்றே கடினம் எனும் சூழ்நிலையில், இம்முறை முஸ்லிம் கட்சிகள் தனித்தனியாகப் போட்டியிட எடுத்துள்ள மோசமான முடிவால், முஸ்லிம்கள் அதிகம் வாழும் உள்ளாட்சி அமைப்புகளில் இருக்கும் ஏதோ ஒரு சில வார்டுகள்கூட முஸ்லிம்களுக்குக் கிடைக்காமல் போகும் அவல நிலையை நினைத்துக் கவலை கொள்ளாமல் இருக்கமுடியவில்லை.


முன்னாள் முதல்வர் கருணாநிதியின் குடும்பத்து அரசியலுக்கும் கட்சிக்கும் மக்கள் கொடுத்த மரண அடியைத் தமக்குக் கிடைத்த வெற்றியாகக் கொண்டாடி, பதவியேற்பு நிகழ்ச்சிக்கு நரவேட்டை மோடியை அழைத்தும் மோடியின் உண்ணா(?)விரதக் கேலிக்கூத்து நாடகத்துக்குத் தம் அமைச்சர்களை அனுப்பிவைத்தும் முஸ்லிம்களுக்கு எதிரான போக்கிலிருந்து தாம் திருந்தவேயில்லை என்று கூறாமல் கூறும் முதல்வர் ஜெயலலிதாவுக்குப் பாடம் புகட்ட வேண்டுமானால் முஸ்லிம் அரசியல் கட்சிகள் உள்ளாட்சித் தேர்தலில் செய்ய வேண்டுவது என்ன? சட்டமன்றத் தேர்தலில் அதிமுகவில் தங்களைக் கூட்டணியாக இணைத்துக் கொண்ட மமகவையும் தேமுதிமுகவையும் கம்யூனிஸ்ட்களையும் ஒரு பொருட்டாகவே மதிக்காமல் எட்டித் தள்ளிய ஜெயலலிதாவுக்குத் தகுந்த பாடம் புகட்டும் வழி என்ன? என்று யோசித்துச் செயல்பட்டிருக்க வேண்டும்.


அரசியல் களத்தில் நிற்கும் முஸ்லிம் லீக்குகளும் மமகவும் இன்னபிற அமைப்புகளும் அரசியலுக்காகவாவது ஒன்றுபட்டு நின்று, வெல்லும் கூட்டணி காண முயற்சிகள் மேற்கொண்டிருக்க வேண்டும். 


ஆனால் நடப்பதோ வேறு!  ஏற்கெனவே திமுக, காங்கிரஸ், பாமக, மதிமுக, புதிய தமிழகம் ஆகியவை தனித் தனியாகவும் கொங்கு வேளாளர் முன்னேற்றக் கழக ஆதரவோடு பாஜகவும் தேமுதிகவோடு இரு கம்யூனிஸ்ட் கட்சிகளும் ஓர் அணியாகவும் நிற்கும் நிலையில், 

முஸ்லிம் லீக், மமக ஆகியவையும் தனித் தனியாக நிற்கிறார்களாம்! 

ஆனால்  விடுதலைச் சிறுத்தைகளும் விடவில்லை. 


எஞ்சியுள்ள முஸ்லிம் அமைப்புகளான
 1. தமிழ் நாடு ஜமாத்துல் உலமா சபை, 
2. பாப்புலர் ஃப்ரண்ட் ஆஃப் இந்தியா, 
3. சோஷியல் டெமாக்ரடிக் பார்ட்டி ஆஃப் இந்தியா,
4. இந்தியன் நேஷனல் லீக், 
5. சுன்னத் ஜமாஅத் ஐக்கியப் பேரவை, 
6. தேசிய லீக் கட்சி,
7. ஜமாஅத்தே இஸ்லாமி ஹிந்த், 
8. ஜம்மியதுல் உலமாயே ஹிந்த், 
9. ஆல் இந்தியா மில்லி கவுன்சில், 
10. மறுமலர்ச்சி முஸ்லிம் லீக், 
11. ஷரிஅத் பாதுகாப்பு பேரவை, 
12. வெல்ஃபேர் பார்ட்டி ஆஃப் இந்தியா, 
13. இஸ்லாமிய விழிப்புணர்வுக் கழகம், 
14. இஸ்லாமிய இலக்கியக் கழகம் ஆகியவை விடுதலைச் சிறுத்தைகளோடு கூட்டணி.
     இந்தக் கூட்டணியில் 6 கிருஸ்துவ அமைப்புகளும் இடம்பெறுகின்றன. 

இப்படிச் சிதறிப் போவதோடு, தங்கள் கட்சித் தலைவர்/தலைவி சொல்வதை வேதவாக்குபோல் எடுத்துக்கொண்டு, உதயசூரியனுக்கும் இரட்டை இலைக்கும் வாக்களிக்கும், வாக்குச் சேகரிக்கும் 'கரை வேட்டி' முஸ்லிம்கள் இன்னமும் உள்ளனர். 

சமுதாயத்தை இப்படிச் சிதறவிடுவது யாருக்கு இலாபத்தைக் கொடுக்கும் என்ற சிறு சிந்தனைகூட முஸ்லிம் கட்சிகளின் தலைவர்களுக்கு இல்லாமல்போய் விட்டதே! 


திமுகவுக்குக் கொடுத்த மரண அடியால் வெற்றி பெற்று ஆட்சி அமைத்த முதல்வர் ஜெயலலிதா, திமுகவினரைச் சகட்டு மேனிக்குக் கைது செய்து சிறையிலடைத்தும் தம் அகங்காரத்தை விட்டுக்கொடுக்காமல் சமச்சீர் கல்வி விஷயத்தில் மாணவர்கள் நலனில் விளையாடி, உயர் நீதிமன்றம், உச்ச நீதிமன்றம் என வழக்கு நடத்தி, இறுதியில் உச்ச நீதிமன்றத்திடமிருந்து குட்டு வாங்கித் திரும்பியதையும் புதிய தலைமைச் செயலக விஷயத்தில் மக்களின் கோடிகணக்கான வரிப்பணத்தை வீணாக்கி மக்களிடம் வெறுப்புக்குரியவராக மாறியிருப்பதையும் தங்களுக்குச் சாதமாகப் பயன்படுத்திக் கொண்டு, அதிமுகவுக்கு எதிராக அனைவரும் ஒன்றுபடாமல் தனித்தனியாகப் பிரிந்து நின்றால் அது அதிமுகவுக்கும் பாஜகவுக்கும்தான் பலனை ஏற்படுத்தும் என்பது இவர்களுக்குப் புரியவில்லையா? 


அரசியலில் கத்துக்குட்டியான, சினிமா கேப்டன் விஜயகாந்துக்கு இருக்கும் அரசியல் தொலைநோக்கு எண்ணம் இந்த முஸ்லிம் கட்சிகளுக்கு இல்லாமல் போனது ஏனோ? 


விடுதலைச் சிறுத்தைகள் கட்சித் தலைவர் திருமாவளவனுக்கு இருக்கும் பரந்த எண்ணம்கூட இந்த முஸ்லிம் கட்சிகளுக்கு இல்லாமல்போனது ஆச்சரியத்தை ஏற்படுத்துகிறது! 

14 முஸ்லிம் அமைப்புகள் + 6 கிறிஸ்துவ அமைப்புகளை ஒன்றுகூட்டி அவர்களுடன் கூட்டணி வைத்துக் களம் காண்கிறார் திருமா. இந்த அணியில் புதிய எஸ் டி பி ஐ கட்சியும் இணைந்துள்ளது. 

இப்போதைய அரசியல் நிலையில், இந்த அணிக்கு வெற்றி கிடைக்கிறதோ இல்லையோ, சிறுபான்மையினரை அரவணைப்பதில் திருமாவின் அரசியல், ஆறுதல் தருவதாக அமைந்துள்ளது. 


அதிமுக அணியிலிருந்து வெளியேறி/வெளியேற்றப்பட்டு, தனித்து நிற்கும் மமகவின் அணுகுமுறையால், அதன் பலன் நிச்சயம் அதிமுகவுக்கும் பாஜகவுக்கும்தான் கிடைக்கும் என்பது வெளிப்படை. இவ்வாறு எதிர்பார்த்தே, தம் மற்ற கூட்டணிக் கட்சிகளைப் போலவே மமகவையும் ஜெயலலிதா கழட்டி விட்டிருக்கக் கூடும். 


அரசியல் கட்சிகளாகத் தங்களை இனங் காட்டிக் கொள்ளும் மமகவும் முஸ்லிம் லீக்கும் திருமாவுடன் இணையட்டும். இல்லையேல் இந்தத் தேர்தலில் போட்டியிடாமல் ஒதுங்கியிருக்கட்டும். 

அதைவிடுத்து, முஸ்லிம்கள் பொது வேட்பாளராக நின்று வெற்றிபெற வாய்ப்புள்ள பகுதிகளில் தத்தம் வேட்பாளர்களையும் போட்டியாளர்களாகக் களமிறக்கி, அதிமுக, பாஜக, திமுக, தேமுதிக என வேறு யாராவது வெற்றிபெற வழிவகுத்துத் துணை நின்றால் ... அதனை இச்சமுதாயம் ஒருபோதும் மன்னிக்காது!


ஒற்றுமை வேண்டும் - ஒற்றுமையை சீர்குலைகிறார்கள் என்று வாய்கிழிய பேசும் த.மு.மு.க- ம.ம.க மற்றும் முஸ்லீம் லீக் கட்சிகளின் தற்போதைய நிலைமை என்ன ? 


மற்றவர்களுக்கு ஒரு நியாயம் உங்களுக்கு ஒரு நியாயமா ?...


இந்த உள்ளாட்சி தேர்தலில் அணைத்து இஸ்லாமிய கட்சிகளையும் ஓரணியில் இணைக்க பிரகாசமான வாய்ப்பு இருந்தும் - சொதப்புகிறீர்கலே..?


தயவு செய்து இனி போலியாக ஒற்றுமை கோசம் போடாதீர்கள்.. 


ஜசாகல்லாஹ் : http://www.satyamargam.com/

உலக முஸ்லிம்களே வீழ்ந்து கிடந்தது போதும் விழித்தெழுங்கள்!....

ஹாபீஸ். A.B முஹம்மது. (Director-General, Al Baraka Bank) அவர்கள் ஆற்றிய உரை, நம்மை இந்த கட்டுரையை எழுத உசுப்பேத்தியது!. 

யானையின் பலத்தை பாகன் அறியாவிட்டால் அது யானையின் தவறல்ல!. என்ற அடைமொழியுடன்.......

உலக மக்கள் தொகையில் 14 மில்லியன் யூதர்கள் உள்ளனர். அதில் ஏழு மில்லியன் அமெரிக்காவிலும், ஐந்து மில்லியன் ஆசியா மற்றும் மத்திய கிழக்கு நாடுகளிலும், இரண்டு மில்லியன் ஐரோப்பாவிலும், ஒரு லட்சம் பேர் ஆப்ரிக்காவிலும் உள்ளனர்.

உலக மக்கள் தொகையில் 1.5 பில்லியன் முஸ்லிகள் உள்ளனர். அதில் ஒரு பில்லியன் ஆசியா மற்றும் மத்திய கிழக்கு நாடுகளிலும், நானூறு மில்லியன் ஆப்ரிகவிலும், 44 மில்லியன் ஐரோப்பாவிலும், ஆறு மில்லியன் அமெரிக்காவிலும் உள்ளனர்.

உலகில் வாழும் ஒவ்வொரு ஐந்து மனிதர்களில் ஒருவர் முஸ்லிம்!.

ஒரு ஹிந்துவுக்கு சமமாக உலகில் இரண்டு முஸ்லிம்கள்!.

ஒரு புத்தனுக்கு சமமாக உலகில் இரண்டு முஸ்லிம்கள்!.

ஒரு யூதருக்கு சமமாக உலகில் 107 முஸ்லிம்கள்!.

முஸ்லிம்களே!.. மக்கள் தொகையில் அதிகமாக இருந்தும் ஏன் நீங்கள், மற்றவர்களை பார்த்து பயப்படுகிறீர்கள்?. ஏன் கல்வியறிவில் பின் தங்கியுள்ளீர்கள்!!. அல்லது உங்களை விட ஏன் யூதர்கள் சக்தி மிகுந்தவர்களாக இருக்கின்றனர்?. யூதர்களின் மேல் உள்ள வெறுப்பினால், யூதர்களின் பொருட்களை வாங்காதே!. என்ற கோசத்தை மட்டும் முன்வைத்த நாம், இவர்களின் இந்த அசூர வளர்ச்சிக்கு வித்திட்ட, அடிப்படை விசயங்களையும், அவர்களின் கட்டமைப்புகளையும் ஆராய மறந்தே விட்டோம், விடுகின்றோம்!.

யூதர்கள், மற்றும் கிறிஸ்தவர்கள் கல்வி, வேலை வாய்ப்பு, தொழில் ஆகியவற்றில் சிறந்து விளங்குவதற்கு காரணம் என்ன?. முஸ்லிம்களை விட அறிவுஜீவிகளாக தங்களை அவர்கள் வளர்த்துக் கொள்ள காரணம் என்ன?.

காரணம் ஒன்றே ஒன்றுதான்!. அதுதான், அவர்கள் கல்வியை முழுமையாக கற்பதால்!!. அதுமட்டுமல்ல!!. மேலும் அவர்களுக்கு சூழ்ச்சியே தாரகமந்திரமாக இருந்தாலும், முஸ்லிம்களை போன்று அவர்களுக்கிடையே பகிரங்கமாக மோதி சண்டையிட்டுக் கொள்வது கிடையாது!.

கிறிஸ்தவர்களுக்குள் ஆயிரம் பிளவுகள்!. பிரிவுகள்!!. ஒரு வேதத்தையே, பல பிரிவுகளாக்கி கொண்டவர்கள். ஆனால் குறிக்கோள்கள் ஒன்றாகவே உள்ளது!. கல்வி நிலையங்களை தங்களின் பிடியில் வைத்திருப்பதினால் அவர்கள் மற்ற எல்லோரை விட முன்னேறி கொண்டிருகின்றனர்.

ஆனால்......!

ஒரே வேதத்தை கொண்ட இஸ்லாத்தில் ஜாதிகள், பிரிவுகள் கிடையாது!. ஆனால் தமிழ்நாட்டிற்குள் மட்டுமே நூற்றுகணக்கான ஜமாத்கள்!. இயக்கங்கள்!. பிரிவுகள்!. மற்றும் பிரிவினைகள்!. ஒரு இயக்கத்தை எதிர்த்து மற்ற இயக்கங்கள் தினம் ஒரு போராட்டம்!!. கல்வியில் அறிவை வளர்க்க வேண்டிய ஒரு சமுதாயம் வழக்கு, நீதிமன்றம் என்றும், அடித்துக் கொண்டும், போராட்டம் நடத்திக்கொண்டும் தங்களின் வாழ்வாதாரங்களை வீனடித்துக் கொண்டு இருப்பதேன்?. 

தமிழ்நாட்டில் எத்தனையோ பெரிய இயக்கங்கள் செயல்பாட்டில் இருந்தாலும், எதாவது ஒரு இயக்கம் இதுவரை பேர் சொல்லும்படி ஒரு மருத்துவம், பொறியியல் மற்றும் உயரிய படிப்பை கொண்ட கல்விநிலையத்தை தொடங்கி நடத்தியதுண்டா?.

ஆனால்......!

தி.க வின் கி.வீரமணி தொடங்கி, சங்கராச்சாரியார் வரை வல்லம் மற்றும் பல இடங்களில் கல்வி நிலையங்கள் அணிவகுத்து நிற்கின்றன. எந்த முஸ்லிம் இயக்கமாவது அதை கண்டாவது சிந்தித்தோமா?.

அமெரிக்காவில் மட்டும் 5,758 பல்கலைகழகங்கள் உள்ளன.

இந்தியாவில் மட்டும் 8,407 பல்கலைகழகங்கள் உள்ளன.

உலகில் உள்ள 57 முஸ்லிம் நாடுகளில் மொத்தமாக 500 பல்கலைகழகங்கள் மட்டுமே உள்ளன!.

ஆனால்......!

உலக தரத்தில், உலகின் தலை சிறந்த பல்கலைகழகங்கள், ஓன்று கூட இஸ்லாமிய நாடுகளில் இல்லை!. இருப்பதையும் தரம் உயர்த்தப்படாதால், இவற்றை மற்ற பல்கலைகழகங்கள் முந்திவிட்டன!.

உலகில் 90% கிறிஸ்தவர்கள் கல்வியறிவை பெற்றுள்ளனர்.

ஆனால்......!

முஸ்லிம்களின் கல்வியறிவு 40% மட்டுமே!.

கிறிஸ்தவர்களை அதிகமாக கொண்டுள்ள 15 நாடுகள், 100 % கல்வியறிவை பெற்றுள்ளனர்.

ஆனால்......!

முஸ்லிம்களை அதிகமாக கொண்டுள்ள நாடுகள் ஓன்று கூட இல்லை!.

கிறிஸ்தவர்களை கொண்டுள்ள நாடுகள் அடிப்படை கல்வியை 98% பூர்த்தி செய்துள்ளன.

ஆனால்......!

முஸ்லிம்களை கொண்டுள்ள நாடுகள் அடிப்படை கல்வியை 50% மட்டுமே பூர்த்தி செய்துள்ளன!.

40% கிறிஸ்தவர்கள் பல்கலைகழகங்கள் வரை செல்கின்றனர்.

ஆனால்......!

முஸ்லிகள் 2% பேர்தான் பல்கலைகழகங்கள் வரை செல்கின்றனர்!.

அமெரிக்காவில் ஒரு மில்லியன் கிருஸ்தவர்களுக்கு 5000 பேர் அறிவியல் ஆய்வாளர்களாக உள்ளனர்.

ஆனால்......!

முஸ்லிம்கள் அதிகமாக இருக்கும் நாடுகளிலிருந்து, ஒரு மில்லியன் முஸ்லிகளுக்கு 230 அறிவியல் ஆய்வாளர்கள் மட்டுமே உள்ளனர்.

உலகத்தில் உள்ள ஒரு மில்லியன் கிறிஸ்தவர்களில், 1000 பேர்கள் தொழில்நுட்ப வல்லுனராக உள்ளனர்.

ஆனால்......!

ஒட்டுமொத்த அரபுலகத்தில், ஒரு மில்லியன் முஸ்லிம்களில், வெறும் 50 பேர்கள் மட்டுமே தொழிற்நுட்ப வல்லுனராக உள்ளனர்.

கிறிஸ்தவர்கள் ஆராய்ச்சி மற்றும் புதிய கண்டுபிடிப்புகளுக்கு மொத்த வருவாயில் ஒதுக்கும் தொகை 5% ஆகும்.

ஆனால்......!

இஸ்லாமிய நாடுகள் இதற்க்கு வெறும் 0.2% சதவிகிதத்தையே ஒதுக்குகின்றனர்.

கடந்த 105 வருடங்களில், 14 மில்லியன் யூதர்களில், இதுவரை 180 பேர்கள் நோபல் பரிசை பெற்றுள்ளனர்.

ஆனால்.....!

1.5 பில்லியன் மக்கள் தொகையினை கொண்ட முஸ்லிம்களில், இதுவரை வெறும் 3 மூன்று முஸ்லிம்கள் மட்டுமே இந்த நோபல் பரிசை வென்றுள்ளனர்!.

மேற்கண்ட அணைத்து புள்ளிவிவரங்களும் முஸ்லிம்களின் நிலையை சத்தமிட்டு சொல்லிகொண்டு இருக்கும் அதே வேலை, அதை காது கொடுத்து கேட்கக்கூட இவர்களுக்கு நேரம் இல்லை!. மனம் இல்லை!. அக்கறை இல்லை!!!.

யூதர்களின் கண்டுபிடிப்புக்கள் உலகை மாற்றியதில் சில:

Micro Processing Chip.- Stanley Mezor (Jewish)

Nuclear Chain Reactor - Leo Sziland (Jewish)

Optical Fiber Cable - Peter Schultz (Jewish)

Traffic Lights - Charles Adler (Jewish)

Stainless Steel - Benno Strauss (Jewish)

Sound Movies - Isador Kisee (Jewish)

Telephone Microphone - Emile Berliner (Jewish)

Video Tape Recorder - Charles Ginsburg (Jewish)

யூதர்களால் நடத்தப்படும் சிறந்த தொழில் நிறுவனங்கள்.

Polo - Ralph Lauren (Jewish)

Coca Cola - Jewish

Levi's Jeans - Levi Strauss (Jewish)

Sawbuck's Howard Schultz (Jewish)

Google - Sergey Brin (Jewish)

Dell Computers - Michael Dell (Jewish)

Oracle - Larry Ellison (Jewish)

DKNY - Donna Karan (Jewish)

Baskin & Robbins - Irv Robbins (Jewish)

Dunkin Donuts - Bill Rosenberg (Jewish)

உலகத்தை மீடியா மூலம் ஆட்டிப்படைக்கும் யூத மீடியாக்கள்.

Wolf Blitzer - CNN (Jewish)

Barbara Walters - ABC News (Jewish)

Eugene Meyer - Washington Post (Jewish)

Henry Grunwald - Time Magazine (Jewish)

Katherine Graham -  Washington Post (Jewish)

Joseph Lelyeld - New York Times (Jewish)

எனவே முதலில் நீங்கள் கற்றுக்கொள்ள ஆரம்பியுங்கள்!. உங்களின் குழந்தைகளை, சந்ததியினரை கற்றவர்களாக மாற்ற முயலுங்கள். கல்வியை எப்போதும் முன்னெடுத்து செல்லுங்கள். முன்னேற்ற கல்வி கற்பதில் எந்த விதத்திலும் சமரசம் செய்து கொள்ளாதீர்கள். நீங்கள் முயலவில்லை எனில், இனி உங்களின் குழந்தைகள் அவர்களாகவே முயலமாட்டார்கள்!.

எனவே முஸ்லிம்களே ஓன்று படுங்கள்!. கல்வியறிவை பெருக்குங்கள்!. பெறுங்கள்!!. உலகில் தலை சிறந்து விளங்குங்கள்!. இது ஒட்டு மொத்த உலக முஸ்லிம்களுக்காக சொல்லப்பட்ட விசயமாக இருந்தாலும், தமிழக முஸ்லிம்களே நீங்களும் விழிப்புணர்வுடன் இருங்கள்!!. ஏனெனில் நீங்களும் உலக முஸ்லிம்களில் அடங்குவீர்கள்!!.

நன்றி : முஜீப்.காம் 

அரசியல் விளையாட்டில் அசிங்கப்பட்டு நிற்கும் இயக்கங்கள்..

ஒரு காலத்தில் தமிழக முஸ்லிம்களுக்கு அவர்களின் உரிமைகளுக்கு பிரச்சனைகளுக்கு குரல்கொடுக்க, முஸ்லிம்களை வழிநடத்த  இயக்கம் வேண்டுமே என்று  எதிர்பார்த்தது முஸ்லிம் சமூகம் .. ஆனால் இன்றோ முஸ்லிம் சமூகத்திற்கு பிரச்சனையே இயக்கங்களால் தான் என்னும் அளவிற்கு நிலைமை மோசமாகிவிட்டது..

மார்க்க விஷயங்களுக்கு மோதிக்கொண்ட காலம் சென்று தற்போது அரசியலுக்காக மோதிகொள்கிறார்கள் நம்மவர்கள்.எந்த இயக்கமும் இதற்க்கு விதிவிலக்கு இல்லை என்றே சொல்லலாம்.

நேற்று இரவு (9/02/11) மமக வை சார்ந்த கோவை ஜாகிர் என்ற சகோதரர் நாகை தொகுதி அதிமுக வேட்ப்பாளர் ஜெயபாலுக்கு ஆதரவாக காரசாரமாக பிரச்சாரம் செய்துகொண்டு இருக்கும்போது  திமுக வை சேர்ந்த ராஜா சாஹிப் தாக்குதல் நடத்தியதாக மமக வினர் குற்றம்சாட்டுகின்றனர். இதனால் தர்கா அலங்கார வாசல் அருகில் பெரும் பரபரப்பு ஏற்பட்டது.

மமக : கோவை ஜாஹிர் மீது திமுக ரவுடிகள் கொலைவெறித் தாக்குதல்

கோவை ஜாகிர் 50 பேர் கொண்ட கும்பல் இரும்பு தடி,உருட்டுக்கட்டை உடன் வந்து கொலைவெறி தாக்குதல் நடத்தியதாக சொல்வது உண்மையா ? என்பது சம்பவத்தை பார்த்தவர்களுக்கு வெட்டவெளிச்சம்..


இது ஒரு புறம் இருக்க TNTJ வெளியிட்டுள்ள செய்திகுறிப்பில் ....

தமிழ்நாடு தவ்ஹீத் ஜமாஅத் சார்பில் திமுக கூட்டணியை ஆதரித்து கோவை மாவட்டத்தின் சார்பாக கரும்புக்கடை சாரமேடு பகுதியில் நேற்று (08-04-2011) இரவு மாநில பொதுச்செயலாளர் ரஹமத்துல்லா தலைமையில் பொதுக்கூட்டம் நடைபெற்ற போது..

இந்தக் கூட்டத்தில் பொதுச்செயலாளர் ரஹ்மத்துல்லா, திமுக கூட்டணியை TNTJ ஆதரிப்பது ஏன் என்ற தலைப்பில் பேசிக்கொண்டிருந்தார். சுமார் 9.45 மணியளவில் திடீரென அந்தக் கூட்டத்திற்குள் உருட்டுக்கட்டைகள் மற்றும் கற்களுடன் புகுந்த அதிமுக குண்டர்கள் அங்கிருந்த பெரிய ஸ்பீக்கரை கூட்டத்தினர் மீது பிடித்து தள்ள கூட்டத்தினரிடையே பரபரப்பு ஏற்பட்டது.

என்னவென்று சுதாரிப்பதற்குள் SDPI வேட்பாளர் உமர் தலைமையில் அங்கு வந்த மமகவின் பொருப்பாளர்கள் அங்கிருந்த விளக்குகளை அடித்து நொறுக்க ஆரம்பித்தார்கள்.

இந்த நேரத்தில் அதிமுக குண்டர்கள் அங்கே ஓடிக்கொண்டிருந்த ஜெனரேட்டரின் வயரைப் பிடுங்கி விட அந்த இடமே இருளில் மூழ்கியது.
மேடைக்கு முன்னாள் திரண்டிருந்த பெண்களையும் குழந்தைகளையும் பாதுகாக்கும் பொருட்டு இந்த கலவர சூழ்நிலையிலும் தவ்ஹீத் ஜமாஅத்தின் தொண்டர்கள் பெண்களையும் குழண்ட்தைகளையும் சுற்றி அரணாக நிற்க அவர்கள் மீது பிளாஸ்டிக் சேர்களை தூக்கி அடித்து விட்டு பெண்கள் கூட்டத்திற்குள் நுழைந்த அதிமுக குண்டர்கள் அங்கிருந்த இஸ்லாமிய பெண்களை வெளியே சொல்ல முடியாத கொச்சை வார்த்தைகளால் திட்டி அவர்கள் மீதும் சேர்களைத் தூக்கி அடிக்க, பெண்கள் தங்கள் குழந்தைகளுடன் அங்குமிங்கும் ஓட ஆரம்பித்தனர்.

ஆனால் மாற்றானின் இந்த வேலைகளையெல்லாம் கொஞ்சமும் கண்டு கொள்ளாத மமக மற்றும் எஸ்டிபிஐ ரவுடிகள் அவனை அடி, இவனை அடி என ஒவ்வொருவர் மீதும் செல்போனின் விளக்கைப் பிடித்து காட்ட அவர்கள் காட்டிய ஒவ்வொருவர் மீதும் அதிமுக குண்டர்கள் வெறித்தனமான தாக்குதல்களை தொடுக்க ஆரம்பித்தனர்.

”மேடையில் உள்ளவன்களையும் அடியுங்கள்” என மமகவினருக்கு அதிமுக குண்டர்கள் உத்தரவிட அங்கே திரண்டிருந்த மமக SDPI ரவுடிகள் மேடையை நோக்கி சராமாரியாக கற்களை வீச ஆரம்பிக்க, மேடையின் மீது இருந்த தவ்ஹீத் ஜமாஅத் நிர்வாகிகள் பலருக்கு பலத்த காயம் ஏற்பட்டது என்று கூறியுள்ளது இந்த இயக்கம்...

அங்கு நடந்தது அப்படியல்ல இப்படி தான் என்று செய்தி வெளியிட்டுள்ளது SDPI..

ஆனா ஒன்னு மட்டும் நிச்சயம்
" பரம்பர அரசியல்வாதிகள் எல்லாம் நம் இயக்கங்களின் முன் தொற்றுப்போனார்கள்... "
இதுவல்லவா அரசியல்.. இவர்கள் அல்லவா அரசியல்வாதிகள்...!!!

சமுதாய நன்மைக்காக அரசியலில் இறங்குவதாக கூறும் கட்சிகள் ,இயக்கங்கள் இன்று நம்மிடையே இருக்கும் கொஞ்ச நஞ்ச சகோதரத்துவ பாசத்தையும் அழிப்பதில் குறியாக இருகிறார்கள்.

இதுபோன்ற பிரச்சனைக்கு காரணமே இவர்களில் தேவை அற்ற செய்லபாடுகள் தான். திமுகக்கு ஆதரவாக பிரச்சாரம் என்று கூறிக்கொண்டு மமகவை சாடி பேசுகிறார்கள் , அதிமுகக்கு ஆதரவு என்று சொல்லிக்கொண்டுததஜ வை சாடி பேசிகிறார்கள். ஏன் இந்த வேலை ?

சும்மாவே உங்களால் இருக்க முடியாதா ? நாம எல்லாம் எல்லாத்திலையும் ஒழுங்கா ? நம்மட்ட ஆயிரத்து எட்டு ஓட்ட ஒடச்ச இருக்கு அத பாப்போமா அத விட்டுட்டு...

அது என்னங்க TNTJ  யின் கொள்கை   : யாருக்கு ஒட்டுபோடுரின்களோ  இல்லையோ  ஆனால் மமக விற்கு மட்டும் ஒட்டுபோடகூடாது...  

அவர்கள் நிற்கும் மூன்று தொகுதியிலும் தோற்கடிக்க படவேண்டுமாம் !! என்ன கொடும இது... அப்டி என்னங்க  அவர்கள் பாவம் செய்தார்கள் ?

ஏன் அப்படி சொல்றிங்க என்று கேட்டால் ... அவர்கள் முன்னேறினால் சமுதாயத்திற்கு ஆபத்து அவர்களால்  சமுதாயத்திற்கு எந்த பயனும் இல்லை என்கிறார்கள்...  ஒ அப்ப கருணாநீதி - ஜெயலலித்தாவை விட இவர்கள் உங்களுக்கு மோசமாகிவிட்டார்கள்.  நல்ல கொள்கை..!!!???

ஆமா தெரியாம தான் கேட்கிறோம் இட ஒதுக்கீடு ,இட ஒதுக்கீடு என்று பேசுகிறீர்களே .. யாருக்கு பா அந்த ஒதுக்கீடு .. நம்ம சமூகத்திற்கு தானே ..? நம்ம சமுகத்தில் தானே நீங்கள் எல்லாம் இருக்கீங்க .. எப்படி இடஒதுக்கீடு கிடைச்சாலும் நமக்கு தானே லாபம் அப்பறம் ஏன் இந்த பொறாம, குரோதம் யாருக்காக இதெல்லாம் ?

இப்ப உங்களுக்கு முக்கியம்  இடஒதுக்கீடு அல்ல.. அந்த இடஒதுக்கீடு எந்த இயக்கம் மூலமாக கிடைத்தது என்பது தான் உங்களுக்கு முக்கியம்.

தேர்தலுக்கு தேர்தல் இடம் மாறும் நீங்கள் கோரிக்கையை முன்வைத்து இந்த கோரிக்கையை யார் நிறைவேற்றுகிறார்களோ அவர்களுக்கு எங்கள் ஆதரவு என்று கூறி அதை ஏற்பவர்களை ஆதரிகிரீர்களா ? அல்லது எந்த கட்சி அதிக சீட்டு தரும் என்று பார்த்து ஆதரிகிரீர்களா ? ... கோரிக்கையை வைத்துத்தான் என்றால் அந்த கோரிக்கையை வைத்து தானே தேர்தலில் பிரச்சாரம் செய்ய வேண்டும்.

மாறாக அந்த கட்சி முஸ்லிம்களுக்கு எதிரி , நாங்கள் ஆதரிக்கும் கட்சி முஸ்லிம்களுக்கு பாதுகாவலன் என்று கூப்பாடு போட்டீர்கள் என்றால் அடுத்த தேர்தலில் உங்கள் நிலையென்ன ? முதலில் நீங்கள் எதிர்த்த கட்சியை அப்போது  முஸ்லிம்களின் பாதுகாவலன் என்று வாய்கிழிய சொல்வீர்கள் தானே ...!!!  இப்போது மட்டும் என்ன நடக்கிறது.

கடந்த தேர்தலில் ததஜ அதிமுக விற்கு ஆதரவு தெரிவித்து இருந்தது மற்றொரு அமைப்பு தமுமுக திமுக விற்கு ஆதரவு தெரிவித்து இருந்தது .. முஸ்லிம்கள் ஜெயலலிதா விற்கு ஒட்டுபோடலாமா? 
என்று வானத்துக்கும் பூமிக்கும் குதித்தது தமுமுக , மற்றொருபுறம்  கருணாநீதி நம்பவைத்து கலுதருகிறார் அவரை 
நம்பகூடாது முஸ்லிம் சமூகத்திற்கு எது நன்மையோ அதை தான் 
பார்க்கவேண்டும் என்று கூறியது ததஜ.

ஆனால் இந்த தேர்தலில் அப்படியே தலைகீழாக மாறியது அமைப்புகளின் தேர்தல் நிலைப்பாடு..! இப்பவும் பாருங்க ரெண்டு பெரும் ஒருத்தரை ஒருத்தர் குறை 
கூறியவரே இருகிறார்கள். முதலில் கலைஞரை ஆதரித்தவர்கள் இப்போது ஜெயலலிதாவை ஆதரிக்கிறார்கள்.

முன்பு ஜெயலலிதாவை எதிர்த்தவர்கள் இப்போது கருணாநீதியை ஆதரிக்கிறார்கள்.ஆனால் ஒன்றை மட்டும் புரிந்துகொள்ளுங்கள் மொத்த இஸ்லாமிய சமூகமும் ஏதோ உங்கள் பக்கம் தான் இருப்பதுபோல்  ஒவ்வொருவரும் நினைகிறீர்கள். அதை மாற்றிகொள்ளுங்கள் அதற்கான தகுதியை இன்னும் நீங்கள் பெறவில்லை. 

ஆக தமிழக அரசியல் விளையாட்டில் ஈடுபட்டு முஸ்லிம் மக்களின் முன்பு அசிங்கப்பட்டு நிற்கிறது நம் சமூக இயக்கங்கள் ,கட்சிகள்.
அரசியலில் இதெல்லாம் சகஜம் என்று உங்கள் ஈமானையும் சகஜமாக இழந்து விடாதீர்கள் இயக்க சகோதர்களே..!

யா அல்லாஹ் ! எங்களை முஸ்லிமாக மரணிக்க செய்வாயாக !
எங்களுக்கு சகோதர பாசத்தை அதிகரிப்பாயாக !
வாழ்நாள் முழுவதும் எங்களை ஈமானோடு வாழசெய்வாயாக !

முஸ்லிம்களின் ஓட்டுக்களை சிதறடிக்கும் கட்சிகள்

முஸ்லிம்களின் ஓட்டுக்களை சிதறடிக்கும் அமைப்புக்களும் ,கட்சிகளும்

தமிழக அரசியல்களம் எப்போதும் இல்லாத அளவிற்கு தற்போது மாறுபட்ட சூழலை சந்தித்து வருகிறது . அதுவும் முஸ்லிம் சமூகத்திற்கு சாதகமான சூழலில் தான் இருக்கிறது.

திமுக ,அதிமுக என்று பெரும் கூட்டணியில் இரு அணிகள் இருந்தாலும் இந்த இரு அணிகளின் ஓட்டு வங்கியை பிரிக்க பெருவாரியான கட்சிகள், பேரவைகள் களத்தில் தனித்து நிற்கின்றன.

பரிவேந்தனின் இந்திய ஜனநாயக கட்சி ,
தலித்களை குறிவைத்து ஜான்பண்டியனின் 
தமிழக மக்கள் முன்னேற்றகழகம்,
பிள்ளையார் சாதிகளை குறிவைத்து வ.உ.சி பேரவை ,
தலித் சமூகத்தை சார்ந்த முன்னால் ஐ.ஏ.எஸ் அதிகாரி சிவகாமியின் 
சமூக சமத்துவப்படை,
செட்டியார்களின் ஓட்டுகளை குறிவைத்து 
நம்பி வாணிப செட்டியார் பேரவை,
முதலியார்களின் ஓட்டுகளை குறிவைத்து
ஏ ,சி சண்முகம்களத்தில் இறங்குகிறார். 
தேவர்களின் ஓட்டுகளை பிரிக்க கார்த்திகின் 
நாடாளும் கட்சி,
தலித் ஓட்டுகளை மேலும் பிரிக்க பூவை ஜெகன் மூர்த்தியின் 
புரட்சி பாரத கட்சி ஆகியவை தனி அணியாக நிற்கின்றன.
தனி தனியாக வேட்பாளர்களை களமிறக்கி இருக்கின்றன.
இந்த சாதி கட்சிகளால் நிச்சயம் சாதி ஓட்டுகள் பிரியும்.
மேலும் மதவெறியர்களின் ஓட்டுக்களை குறிவைத்து 
பா.ஜ.க தலைமையில் ஒரு அணி.

இதுபோக அங்கீகரிக்கப்பட்ட கட்சி வேட்ப்பாளர்களை எதிர்த்து ஆங்காங்கே போட்டி வேட்ப்பாளர்களும்,சுயேட்சைகளும் களத்தில் உள்ளனர்.மேலும் கூட்டணியில் ஏற்பட்ட விரிசலால் திமுக மேல் அதிருப்தியில்  உள்ள காங்கிரஸ் ஆதரவு தொண்டர்களும் ,காங்கிரஸ் மேல் அதிருப்தியில்  உள்ள திமுக ஆதரவு தொண்டர்களும் இருகின்றனர்.இவர்கள் ஓட்டும் இடம்மாறலாம். 

இது போதாது என்று மதிமுக தேர்தலை புறக்கணித்தாலும் அதன் ஆதரவு மக்களின் ஓட்டும் சிதறும் நிலையில் இருக்கிறது. பத்தாத குறைக்கு அதிமுகவை அவமதிக்கும் விதமாக விஜயகாந்த் நடந்து வருவதால் தேமுதிகவிற்கு அதிமுக தொண்டர்கள் ஓட்டு போடுவார்களா என்பது கேள்விக்குறியாக இருக்கிறது. 
   
இப்படி ஆங்காங்கே ஓட்டுகள் பிரிவதால் முஸ்லிம்களின் ஓட்டுகளுக்கு குறிப்பாக இந்த தேர்தலில் அதிக முக்கியத்துவம் கிடைத்துள்ளது..

சில வேட்ப்பாளர்கள் சில நூறு ஓட்டு வித்தியாசத்தில் தான் வெற்றிபெறுவார்கள் என்றும்.. இன்னும் பெருபான்மையான வேட்ப்பாளர்கள் அதிகபட்சமாக 5 ஆயிரம் ஓட்டுகளுக்குல்லாகவே தான் வெற்றி பெற முடியும் என அரசியல் நிபுணர்கள் கூறுகின்றனர்.

இந்த வெற்றி ஓட்டுக்கள் தமிழகத்தில் பெரும்பான்மையான இடங்களில் முஸ்லிம்களிடம் தான் இருக்கிறது என்பதை முஸ்லிம் சமூகம் விளங்கிக்கொள்ள வேண்டும்...

ஒரு வேலை முஸ்லிம் சமூகத்தின் ஓட்டு ஒரு சேர மொத்தமாக ஒரே நிலைபாட்டில் இருக்குமானால் இந்த சட்டமன்ற தேர்தலில் முஸ்லீம்கள் பெருபான்மையாக இருக்கும் தொகுதியில் வெற்றி,தோல்வியை நிர்ணயிக்கும் ஓட்டு ஆயுதம் முஸ்லிகளின் கையில்...

ஆனால் இதை வீணடிக்கும் முயற்சியில் இஸ்லாமிய கட்சிகள் ,இயக்கங்கள்,அமைப்புகள் முனைப்புடன் செயல்பட்டுவருவது வேதனைக்குரியது..


இஸ்லாமிய கட்சிகளின் மற்றும் அமைப்புகளின் நிலைப்பாடு 
  
இந்தியன் யூனியன் முஸ்லிம் லீக் :

திமுகவின் சிறுபான்மை பிரிவு  என்று சொல்லும் அளவிற்கு கல்லானாலும் – கலைஞர் என்று தனது கட்சியை தாரைவார்த்துவிட்டது இந்தியன் யூனியன் முஸ்லிம் லீக்.மூன்று தொகுதிகளை பெற்றுக்கொண்டு சூரியன் சின்னத்திலேயே போட்டியிடுகிறது.

 

மனிதநேய மக்கள் கட்சி:
அதிமுக – ம.ம.க விற்கு மூன்று தொகுதிகள் ஒதுக்கி சொந்த சின்னத்தில் போட்டியிட வாய்ப்பளித்ததால் மமக - அதிமுக கூட்டணியில் இணைந்து போட்டியிடுகிறது.

Social Democratic Party of India(SDPI):
தமிழகத்தில் SDPI போட்டியிடும் 8 தொகுதிகள் போக எஞ்சிய தொகுதிகளில் சேப்பாக்கம், ஆம்பூர் ஆகிய தொகுதிகளில் மனிதநேய மக்கள் கட்சிக்கும்,அறந்தாங்கி தொகுதியில் மக்கள் ஜனநாயக கட்சிக்கும்,எஞ்சிய தொகுதியில் தி.மு.க கூட்டணிக்கும் SDPI தனது ஆதரவை பிரித்து அறிவித்துள்ளது SDPI.

தமிழ்நாடு தௌஹீத் ஜமாஅத் :
திமுக தனது தேர்தல் அறிக்கையில் இடஒதுக்கீடு உயர்த்துவதற்கு வாக்குறுதி அளித்துள்ளது. ஆனால் அதிமுக தேர்தல் அறிக்கையில் முஸ்லிம்களுக்கு எந்த ஒன்றையும் அளிப்பதாக தெரிவிக்கவில்லை ஆதலால் தமிழ்நாடு தௌஹீத் ஜமாஅத் திமுக கூட்டணிக்கு ஆதரவு  என்று அறிவித்துள்ளது.

இந்திய தௌஹீத் ஜமாஅத்:
அதிமுக ஆட்சியில் தான் முஸ்லிம்களுக்கு தனி இடஒதுக்கீடு வழங்குவதற்கான பிற்படுத்தப்பட்டோர் கமிஷன் புதுபிக்கபட்டது. கருணாநீதி வழங்கிய இடஒதுக்கீட்டிற்கு முக்கிய காரணம் அதிமுக ஆட்சியில் பிற்படுத்தப்பட்டோர் கமிஷன் புதுபிக்கபட்டதுதான் ஆதலால் அதிமுக கூட்டணிக்கு ஆதரவு என்று தெரிவித்துள்ளது.

 

இப்படியாக ஆளுக்கு ஒருபுறம் தங்களின் ஓட்டுக்களை சிதறடித்து வருகின்றனர்.இதில் தமிழ்நாடு தௌஹீத் ஜமாஅத் , இந்திய தௌஹீத் ஜமாஅத் இரெண்டும் தேர்தலில் போட்டியிடுபவை கிடையாது ஆதரவு மட்டுமே.மற்ற மூன்று கட்சியும் ( இ.யூ.மு.லீ , ம.ம.க, எஸ்.டி.பீ.ஐ ) தேர்தலில் போட்டியிடுகின்றன..

இவர்கள் ஒவ்வொருவரும் தங்களின் நிலைப்பாடு தான் சரி என்று வாதிடுகின்றனர்.. அத்தோடு நில்லாமல் ஒருவரை ஒருவர் சாடி வருகிறார்கள்.

கடந்த தேர்தலில் ஒரு அமைப்பு அதிமுக விற்கு ஆதரவு தெரிவித்து இருந்தது மற்றொரு அமைப்பு திமுக விற்கு ஆதரவு தெரிவித்து இருந்தது .. முஸ்லிம்கள் ஜெயலலிதா விற்கு ஒட்டுபோடலாமா? 
என்று வானத்துக்கும் பூமிக்கும் குதித்தது ஒரு அமைப்பு, மற்றொருபுறம்  கருணாநீதி நம்பவைத்து கலுதருகிறார் அவரை 
நம்பகூடாது முஸ்லிம் சமூகத்திற்கு எது நன்மையோ அதை தான் 
பார்க்கவேண்டும் என்று கூறியது எதிர் அமைப்பு.

ஆனால் இந்த தேர்தலில் அப்படியே தலைகீழாக மாறியது அமைப்புகளின் தேர்தல் நிலைப்பாடு..! இப்பவும் பாருங்க ரெண்டு பெரும் ஒருத்தரை ஒருத்தர் குறை 
கூறியவரே இருகிறார்கள். முதலில் கலைஞரை ஆதரித்தவர்கள் இப்போது ஜெயலலிதாவை ஆதரிக்கிறார்கள்.
முன்பு ஜெயலலிதாவை எதிர்த்தவர்கள் இப்போது கருணாநீதியை ஆதரிக்கிறார்கள். சரி ஒரு கோரிக்கையை வச்சு த்தானே ஆதரிகிறாங்க அதுல ஏன் மாறுபடுகின்றார்கள்.?இது நமக்கு எரிச்சலை த்தான் தருகிறது   தேர்தலுக்கு,தேர்தல் இதே நிலைத்தான் நீடிக்கிறது.

கிட்டத்தட்ட பாத்திங்கன்னா எல்லாரும் தேர்தலில் பேசுறது இடஒதுக்கீடு ..அதவச்சு தான் ஆதரவு தெரிவிகிறாங்க , கூட்டணி வைக்கிறாங்க .. ஒரே கோரிக்கையை வச்சு ஆளுக்கு ஒருபக்கம் ஆதரவு தெரிவிகிறாங்கலே அது எப்டின்னு தான் புரியமாட்டேங்குது.
  

ஒவ்வொரு தேர்தலிலும் அங்கொன்றும் இங்கொன்றுமாக நின்று  ஆதரிக்க வேண்டியது. தேர்தல் முடிவுகள் வந்தவுடன் ஏதாவது ஒரு கட்சி வெற்றி பெரும் உடனே எங்களால் தான் வெற்றி பெற்றது முஸ்லிம் சமூகம் எங்கள் பக்கம் என்று பேட்டி கொடுக்கவேண்டியது.உண்மையில் நம் சமூகத்தின் ஓட்டுதான் வெற்றிக்கு மூலதனம் என்று இந்த குளறுபடியில் உறுதியாக சொல்லமுடியாது.

ஹிந்துக்களில் ஜாதி ஓட்டுக்கள் பிரிவதுபோல் நம் சமூகத்தில் கட்சிகள்,அமைப்புகள் மூலமாக ஓட்டுக்கள் பிரிகின்றன. 

போதுபிரச்சனைக்கு ஒன்று கூடுவோம் என்று இவர்களை ஒன்றிணைக்க பல வழிகளில் முயற்சிகள் மேற்கொள்ளப்பட்டன எல்லாமே இறுதியில் தோல்வியைத்தான் சந்தித்தன.

ஒற்றுமைகாக அனைத்து அமைப்புகளையும் இணைத்து ஒரு கூட்டம் ஏற்பாடு செய்தும் கூட அதில் யார் முதலில் பேசுவது , எந்த இயக்கத்தின் பெயரில் தலைமை தாங்குவது , யாருடைய கருத்தை ஏற்பது என்று பிரச்சனை வருகிறது என்றால் என்னவென்று சொல்வது.

கடந்த அதிமுக ஆட்சியில் அதிசயமாக பல தலைவர்கள் ஒன்றிணைந்து இடஒதுக்கீடை முன்னிறுத்தி  பல கோரிக்கைகளோடு முதல்வரை சந்தித்தார்கள் ..  அந்த சந்திப்பு  முடிந்தது தான் தாமதம் ஆளுக்கொரு விதமாக பேசிக்கொண்டு ,குற்றசாட்டி கொண்டு பிரிந்துவிட்டார்கள்..

சமீபத்தில் சென்னை பாரிமுனை பள்ளி வளாகத்தை கைபற்ற முனைந்த சமூக விரோதிகளை எதிர்த்து நின்று ஆர்பரித்து அனைத்து அமைப்பும் ஒன்றுகூடி மீட்டது!

ஏன்  எல்லாரும் போனிங்க ? அல்லாஹ்வுடைய பள்ளிவாசலை விட்டுகொடுக்க கூடாது என்று தானே. அதே அல்லாஹ் நம்மை இந்த மார்க்கத்தின் மூலம் சகோதர்களாக ஆக்கினான் அதை நீங்கள் ஏற்றுகொள்ளவில்லையா?

(திருக்குரான் 3:103 )இன்னும், நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள்;. நீங்கள் பிரிந்தும் விடாதீர்கள்;. அல்லாஹ் உங்களுக்குக் கொடுத்த நிஃமத்களை (அருள் கொடைகளை) நினைத்துப் பாருங்கள்;. நீங்கள் பகைவர்களாய் இருந்தீர்கள் - உங்கள் இதயங்களை அன்பினால் பிணைத்து, அவனது அருளால் நீங்கள் சகோதரர்களாய் ஆகிவிட்டீர்கள்;. இன்னும், நீங்கள் (நரக) நெருப்புக் குழியின் கரை மீதிருந்தீர்கள்; அதனின்றும் அவன் உங்களைக் காப்பாற்றினான் - நீங்கள் நேர் வழி பெறும் பொருட்டு அல்லாஹ் இவ்வாறு தன் ஆயத்களை - வசனங்களை உங்களுக்கு தெளிவாக்குகிறான்.

இராக்கில், பாலஸ்தீனத்தில் ஒரு முஸ்லிம் பாதிக்கப்பட்டால்

நாம் மனம் கலங்ககுகிறோம் ஏன்?  இந்த பாசத்தை ,சகோதரதுவத்தை கொடுத்தது எது ? நாம் ஏற்றுக்கொண்டு இருக்கும் சத்தியமார்க்கம் அது தான் நம்மை ஒன்றினைகிறது. எங்கோ இருக்கும் பாதிக்கப்படும் சகோதரனுக்காக கவலைப்படும் நாம் .. பக்கத்தில் இருக்கும் ஒரு இஸ்லாமிய சகோதரனுக்கு அவன் வேறு அமைப்பு என்ற காரணத்திற்காக  ஸலாம் கூட சொல்ல மறுக்கிரொமே இது தான் இஸ்லாம் நமக்கு வழிகாட்டியதா சகோதர்களே ?

நீங்கள் எந்த அமைப்பை சார்ந்தவராகவும் இருங்கள் ஆனால் மற்றவர்களை மதியுங்கள். கருத்துவேறுபாடு என்பது மனிதனுக்கு இயல்பானது அதற்காக குரோதத்தை வளர்த்துகொல்வது நல்லதா ?

ஆக ஒன்றிணைந்த சரியான தலைமை இல்லாமல் தமிழக முஸ்லிம்களின் நிலைமை இருக்கிறது என்பதே எதார்த்த உண்மை

இப்படி பிளவுபட்டு நிற்கும் போதே அரசியல் கட்சிகள் நம்மை தாங்கி பிடிக்கிறது.. ஒன்றுபட்டால் ...? வருங்காலத்தில் அரசியல் கட்சிகள் நம் சமூகத்தின்  பிடியில் இருக்கும் இன்ஷாஅல்லாஹ்...

இஸ்லாமிய இயக்கங்கள்,அமைப்புகள்,ஜமாஅத்கள்,பேரவைகள் அனைத்திற்கு ஒரு வேண்டுகோள் :
நீங்கள் நல்ல நோக்கதிற்காக உங்கள் இயக்கங்களை ,அமைப்புகளை வழிநடத்தி வருகிறீர்கள்.. உங்கள் அமைப்புகள் சார்பாக அனேக நல்ல காரியங்கள் செய்து வருகிறீர்கள் அல்ஹம்துலில்லாஹ் அதையெல்லாம் மறுக்க முடியாது அதே சமயம் உங்களிடம் இயக்கவெறி சற்று இருக்கத்தான் செய்கிறது.. இது தலைமை பொறுப்பில் இருக்கும் உங்களிடம் மட்டும் இருந்தால் கூட சகித்துகொள்ளலாம் ஆனால் உங்கள் இயக்கத்தில் இருக்கும் என் சகோதரன் ஒவ்வொருவரின் இடத்தும் அவர்களுக்கு தெரிந்தோ ,தெரியாமலோ இருக்கத்தான் செய்கிறது. இதை களைய வேண்டிய பொறுப்பு உங்களுக்கு இருக்கிறது.. 

நீங்களும் உங்கள் இயக்க சகோதர்களும் மற்ற சகோதர இயக்கத்தை அரவணைத்து செல்லவேண்டும் என்பதே நமது வேண்டுகோள்.   

ஜசகல்லாஹ்.